এইবাৰ ৰেলপথত স্থাপন কৰা হ’ল এল পি জি চিলিণ্ডাৰ। চালকৰ প্ৰচেষ্টাত কানপুৰত সংঘটিত হোৱা এক বৃহৎ দুৰ্ঘটনাৰ পৰা ৰক্ষা পৰে মালবাহী ট্ৰেইনখন। দেওবাৰে পুৱাৰ ভাগত সংঘটিত হয় এই ঘটনা।
দেওবাৰে পুৱাৰ ভাগত প্ৰয়াগৰাজ সংমণ্ডলৰ পেৰামবুৰ ষ্টেচনৰ পৰা কিছু দূৰৈত ৰেলপথত উদ্ধাৰ হয় চিলিণ্ডাৰটো। ট্ৰেইনৰ ট্ৰেকত চিলিণ্ডাৰটো উদ্ধাৰ কৰে চালকজনে। ব্ৰেক টিপি ৰেলখন বন্ধ কৰা হয়। তাৰ পাছত স্থানীয় প্ৰশাসনক অৱগত কৰা হয়।
আৰ পি এফৰ তথ্য অনুসৰি মালবাহী ট্ৰেইনখনৰ গতি কম হোৱাৰ বাবে চালকজনে পাঁচ কেজিৰ চিলিণ্ডাৰটো দেখিছিল। ইতিমধ্যে ঘটনা সন্দৰ্ভত তদন্ত আৰম্ভ হৈছে।
ছেপ্টেম্বৰৰ আৰম্ভণিতে প্ৰয়াগৰাজৰ ৰে’লপথত বৃহৎ গেছ চিলিণ্ডাৰ, চাইকেল, ডিজেল আৰু পেট্ৰ’ল এৰি থৈ গৈছিল। প্ৰয়াগৰাজৰ পৰা হাৰিয়ানাৰ ভীৱানী অভিমুখে গৈ আছিল কালিন্দি এক্সপ্ৰেছ। ৰেলখনে চিলিণ্ডাৰত খুন্দা মাৰে।চিলিণ্ডাৰ ৫০ মিটাৰ দূৰত বাগৰি পৰে। ড্ৰাইভাৰে ব্ৰেক মাৰে। যাৰ ফলত বৃহৎ দুৰ্ঘটনাৰ পৰা হাত সাৰিব পৰা গ’ল।
আগষ্টৰ পৰা এনে কেইবাটাও ঘটনা পোহৰলৈ আহিছে। ৮ ছেপ্টেম্বৰৰ প্ৰয়াগৰাজ কাণ্ডৰ পূৰ্বে ২৩ আগষ্টত ৰাজস্থানৰ পালি জিলাৰ আহমেদাবাদ-যোধপুৰ বান্ধত ভাৰতৰ সন্মুখত চিমেণ্টৰ ব্লক এৰি দিয়া হৈছিল। সেইদিনা ফাৰুখাবাদ এক্সপ্ৰেছৰ সন্মুখত কাঠ ৰখা হৈছিল।
