ভাৰতে এছিয়া কাপৰ ছুপাৰ-৪ ত উপনীত হ’বলৈ ইণ্ডোনেছিয়াক ১৫ গ’লত পৰাস্ত কৰিব লগা হৈছিল। ভাৰতীয় হকী দলটোৱে খেলখনত ১৬-০ গ’লত বিজয়ী হয়। সেইসূত্ৰে ভাৰত পুল এ-ৰ পৰা ছুপাৰ-৪ত উপনীত হ’ল।
এই বছৰ এছিয়া কাপ জাকাৰ্টাত অনুষ্ঠিত হৈছে। প্ৰথমখন খেলত ভাৰতে পাকিস্তানৰ বিৰুদ্ধে ড্ৰ খেলিছিল। তাৰ পিছত জাপানৰ বিৰুদ্ধে ২-৫ ব্যৱধানত পৰাজিত হয়। কিন্তু বৃহস্পতিবাৰে পাকিস্তান জাপানৰ হাতত ২-৩ ব্যৱধানত পৰাজিত হয়।
লগতে পঢ়ক: আন্তঃৰাষ্ট্ৰীয় বক্সিং এছ’চিয়েচন এথলীট কমিটিৰ অধ্যক্ষ হিচাপে মনোনীত লাভলীনা, সদস্য পদত শিৱ থাপা
তাৰ পিছত ভাৰতৰ বাবে ছুপাৰ-৪ত স্থান পোৱাৰ একমাত্ৰ উপায় মুকলি হৈছিল যদিও ইণ্ডোনেছিয়াক ১৫ টা গোলৰ ব্যৱধানত পৰাজিত কৰাৰ প্ৰত্যাহ্বান আছিল। অৱশেষত ভাৰতে ১৬ টা গোল কৰি বিজয়ী হয়।
ভাৰতৰ হৈ দীপচন তিৰ্কীয়ে চাৰিটা গোল কৰে। বেলিমগ্গাই হেট্ৰিক অৰ্জন কৰে। চেলভম কাৰ্থি, সোমৱাৰপট সুনীল আৰু ৰাজভৰে দুটাকৈ গোল কৰে। উত্তম সিং, বীৰেন্দ্ৰ লাক্ৰা আৰু নীলমে এটা কৈ গোল কৰে।
গোটেই প্ৰতিযোগিতাখনত ইণ্ডোনেছিয়াই ৩৮ টা গোল কৰিছিল। জাপানে ৯ টা গোল কৰিছিল পাকিস্তানে ১৩ টা গোল কৰিছিল। ভাৰতে ছুপাৰ-৪লৈ উন্নীত হোৱাৰ বাবে ভাৰতে দিলে ১৬ টা গোল।
লগতে পঢ়ক: ৰেড কাৰ্পেটৰ আঁৰত: কানত হলীউদৰ নায়ক লিওনাৰ্ডোৰ দৃষ্টি কাঢ়িলে ভাৰতৰ উৰ্বশীয়ে
পাকিস্তান আৰু ভাৰতৰ চাৰি পইণ্টকৈ লাভ কৰিছে। ভাৰতে এটা গোলৰ ব্যৱধানেৰে পৰৱৰ্তী ৰাউণ্ডলৈ আগবাঢ়িছে। সেইদৰে ভাৰত আৰু জাপান ছুপাৰ-৪লৈ গ’ল। আনটো গ্ৰুপৰ পৰা মালয়েছিয়া আৰু দক্ষিণ কোৰিয়াই ছুপাৰ-৪লৈ উন্নীত হৈছে।
