ভাৰতত প্ৰথম পৰ্যায়ত ৩ কোটি লোকক দিয়া হ’ব ক’ৰ’না ভাইৰাছৰ ভেকচিন
ভাৰতে প্ৰথম পৰ্যায়ৰ ক’ৰ’নাৰ ভেকচিনেশ্যনত মুঠ ৩ কোটি লোকক সামৰি লোৱাৰ পৰিকল্পনা গ্ৰহণ কৰিছে।
প্ৰথম পৰ্যায়ত চিকিৎসক, অন্যান্য চিকিৎসাকৰ্মী আৰু কোভিডৰ ক্ষেত্ৰত কাম কৰি থকা প্ৰথম পৰ্যায়ৰ কৰ্মী সকলক কোভিডৰ ভেকচিন প্ৰদান কৰা হ’ব।
ভাৰতৰ স্বাস্থ্য মন্ত্ৰ্যালয়ৰ তৰফৰ পৰা মঙলবাৰে এই কথা প্ৰকাশ কৰে।
আনহাতে, স্বাস্থ্য মন্ত্ৰ্যালয়ে উল্লেখ কৰা অনুসৰি প্ৰথম পৰ্যায়ৰ ক’ৰ’নাৰ ভেকচিন ২০২১ চনৰ জানুৱাৰিৰ পৰা জুন মাহৰ ভিতৰত দিয়াৰ সিদ্ধান্ত গ্ৰহণ কৰা হৈছে।
উল্লেখযোগ্য যে, স্বাস্থ্য মন্ত্ৰী ড০ হৰ্ষবৰ্দ্ধনে ২০২১ চনৰ প্ৰথম পৰ্যায়তে দেশত ক’ৰ’না ভাইৰাছ প্ৰতিৰোধী ভেকচিন প্ৰস্তুত হৈ উঠিব বুলি আশা প্ৰকাশ কৰিছে।
প্ৰধান মন্ত্ৰী নৰেন্দ্ৰ মোদীয়ো মঙলবাৰে দেশক সম্বোধি দিয়া ভাষণত দেশৰ চিকিৎসা বিজ্ঞানী সকলে ক’ৰ’নাৰ ভেকচিন প্ৰস্তুত কৰাৰ বাবে আহোপুৰুষাৰ্থ অব্যাহত ৰাখিছে বুলি উল্লেখ কৰে।