দুৰ্গোৎসৱ আৰম্ভ হোৱাৰ প্ৰাক ক্ষণত নগাঁও জিলাৰ চামগুৰি আৰক্ষী থানাৰ সোনাৰিবালিত আৰক্ষীৰ এটা বৃহৎ দলে মঙলবাৰে নিশা অভিযান চলাই বৃহৎ পৰিমাণৰ অবৈধ সুৰাসহ এজন লোকক কৰায়ত্ব কৰিবলৈ সক্ষম হয়।
কলিয়াবৰ মহকুমা আৰক্ষী বিষয়া মৃন্ময় দাস আৰু চামগুৰি আৰক্ষী থানাৰ ভাৰপ্ৰাপ্ত বিষয়া কৃষ্ণকান্ত দলৈৰ নেতৃত্বত আৰক্ষীৰ বৃহৎ দলটোৱে সোনাৰিবালিত অৱস্থিত ৰোড লাইন ধাবাত অভিযান চলাই এক গোপন কক্ষৰ পৰা বৃহৎ পৰিমাণৰ অবৈধ সুৰাৰ জব্দ কৰাৰ লগতে ধাবাখনৰ মালিক আইজুল হকক আটক কৰিবলৈ সক্ষম হয় বুলি জানিব পৰা গৈছে।
উক্ত ধাবাখনত বিগত সময়ত বহু বাৰ আৰক্ষীয়ে অভিযান চলাই অবৈধ সুৰা জব্দ কৰিছে।
উল্লেখ্য যে একাংশ আবকাৰী বিষয়াক মেনেজ কৰি দীৰ্ঘদিন ধৰি অবৈধ সুৰাৰ বেহা চলোৱাৰ লগতে বিভিন্ন অপৰাধজনিত ঘটনাৰ লগত জৰিত হৈ অহাৰ অভিযোগ উত্থাপিত কৰিছে স্থানীয় লোকে।
এই ক্ষেত্ৰত ধাবাখন সম্পূৰ্নৰৃপে চিল কৰি দিবলৈ সচেতন মহলে প্ৰশাসনৰ ওচৰত দাবী জনাইছে
