অধিনায়ক সলনি হোৱাৰ পিছতো ভাগ্য সলনি নহ’ল। ছিডনী টেষ্টত অলপ সংগ্ৰাম কৰিলে যদিও দিনটোৰ শেষত টিম ইণ্ডিয়াই ফলাফল সলনি কৰিব নোৱাৰিলে। আকৌ পৰাজয়ৰ পৰা হাত সাৰিব নোৱাৰিলে।
তৃতীয় দিনৰ আৰম্ভণিতে অলপ বিপৰ্যয়ৰ সন্মুখীন হ’লেও অষ্ট্ৰেলিয়াই সহজেই ৬ উইকেটত জয়লাভ কৰে। লগতে ১০ বছৰৰ পাছত বৰ্ডাৰ-গাভাস্কাৰ ট্ৰফী পুনৰ অষ্ট্ৰেলিয়ালৈ উভতি আহিল। পেট কামিন্সৰ দলটোৱে কাৰ্যতঃ বিশ্ব টেষ্ট চেম্পিয়নশ্বিপৰ ফাইনেলত স্থান নিশ্চিত কৰিলে।
খেলখনৰ দ্বিতীয় দিনৰ শেষত দ্বিতীয় ইনিংছত ভাৰতৰ স্ক’ৰ ৪ উইকেটত ১৪১ ৰান হয়। আশা কৰা হৈছিল যে এই দিনটোত যদি আৰু কমেও পঞ্চাশ ৰান কৰিব পৰা যায়, তেন্তে অষ্ট্ৰেলিয়াক চাপত পেলাব পৰা হ’ব। কিন্তু পেট কামিন্স বাহিনীয়ে তেনেকুৱা হ’বলৈ নিদিলে।
তৃতীয় দিনা পুৱা মাত্ৰ ১৬ ৰান সংযোজন কৰি শেষৰ চাৰিজন ভাৰতীয় বেটছমেনে পেভিলিয়নলৈ উভতি আহে। জাডেজা আৰু ৱাশ্বিংটন সুন্দৰ আছিল দিনটোৰ দুজন অপৰাজিত বেটছমেন। দুয়োজনেই কামিন্সৰ চিকাৰ হয়। ছিৰাজ আৰু বুমৰাহ বোলাণ্ডৰ বলত উভতি আহে। ভাৰতৰ ইনিংছ শেষ হ’ল মাত্ৰ ১৫৭ ৰানত।
লীড হয় ১৬১ ৰান। ১৬২ ৰানৰ লক্ষ্যৰে খেলাৰ পাছত আৰম্ভণি অলপ অস্থিৰ হৈছিল যদিও শেষত অষ্ট্ৰেলিয়াই সহজেই ৬ উইকেটত জয়লাভ কৰে।
সংক্ষিপ্ত স্কোৰঃ
ভাৰতঃ ১৮৫, ১৫৭ (পন্থ ৬১, যশস্বীস্বী ২২)
অষ্ট্ৰেলিয়া: ১৮১, ১৬২-৪ (খোৱাজা ৪১, হেড-৩৪)
অষ্ট্ৰেলিয়াই ৬ উইকেটত জয়লাভ কৰে।
