বিগত দুদিন ধৰি দেশত ক’ৰ’না সংক্ৰমণৰ হাৰ সামান্য নিম্নগামী হোৱা পৰিলক্ষিত হৈছে। যোৱা ২৪ ঘন্টাত দেশত এদিনতে ৩লাখ ২০ হাজাৰৰো অধিক কৰ’না ৰোগী সুস্থ হৈ উঠিছে।
মঙলবাৰে কেন্দ্ৰীয় স্বাস্থ্য মন্ত্ৰ্যালয়ে প্ৰকাশ কৰা তথ্য অনুসৰি যোৱা ২৪ ঘণ্টাত দেশত ক’ৰ’নাত আক্ৰান্ত হৈছে ৩ লাখ ৫৭ হাজাৰ ২২৯ জন লোক।
বিগত কেইদিনত একেৰাহে দেশত কৰ’নাৰ সংক্ৰমণৰ ঘটনা দ্ৰুতগতিত বৃদ্ধি পাই অহাৰ মাজতে বিগত দুটা দিনত সক্ৰমণৰ হাৰ কিছু হ্ৰাস পাইছে।
দেশত এতিয়া মুঠ কৰ’না আক্ৰান্তৰ সংখ্যা ২ কোটি ২ লাখ ৮২ হাজাৰ ৮৩৩ জনলৈ বৃদ্ধি পাইছে।
মন্ত্ৰ্যালয়ে প্ৰকাশ কৰা অনুসৰি দেশত মুঠ কৰ’না আক্ৰান্ত মৃত্যুৰ সংখ্যা হৈছেগৈ ২লাখ ২২ হাজাৰ ৪০৮ জন।
যোৱা ২৪ ঘণ্টাত দেশত মৃত্যু হৈছে ৩,৪৪৯ জন কোভিড আক্ৰান্তৰ।
ইপিনে, দেশত যোৱা ২৪ ঘন্টাত কৰ’নাৰ পৰা আৰোগ্য লাভ কৰিছে ৩,২০,২৮৯ জন ৰোগীয়ে। সেইদৰে দেশত কৰ’নাৰ পৰা আৰোগ্য লাভ কৰা মুঠ ৰোগীৰ সংখ্যা হৈছে ১কোটি ৬৬লাখ ১৩ হাজাৰ ২৯২ জন লোক।
আনহাতে, বৰ্তমানেও দেশত চিকিৎসাধীন হৈ থকা কৰ’না ৰোগীৰ সংখ্যা হৈছে ৩৪লাখ ৪৭হাজাৰ ১৩৩জন। ইয়াৰ বিপৰীতে কৰ’নাত মুঠ মৃত্যু হোৱাৰ লোকৰ সংখ্যা হৈছে ২লাখ ২২হাজাৰ ৪০৮জন লোক।
বৰ্তমানলৈ দেশত ১৫কোটি ৮৯ লাখৰো অধিক লোকক কৰ’নাৰ ভেকচিন প্ৰদান কৰা হৈছে। সেইদৰে, আইচিএমআৰৰ প্ৰতিবেদন অনুসৰি, যোৱা ২৪ঘন্টাত ১৬লাখ ৬৩হাজাৰ ৭৪২টা নমুনা পৰীক্ষা কৰা হৈছে।
বৰ্তমান দেশত কোভিশ্বিল্ড আৰু কোভাক্সিন ভেকচিন প্ৰদান কৰি থকা হৈছে যদিও শেহতীয়াকৈ ভাৰত আহি পাইছে ৰাছিয়াৰ স্পুটনিক ভি ভেকচিন। এই ভেকচিনো শীঘ্ৰে প্ৰদানৰ ব্যৱস্থা কৰা হ’ব।
