চুবুৰীয়া ৰাষ্ট্ৰ শ্ৰীলংকালৈ পুনৰ ৪০,০০০ মেট্ৰিক টন ডিজেল সাহায্য প্ৰেৰণ কৰিছে ভাৰতে। বুধবাৰে এই সাহায্য শ্ৰীলংকাত উপস্থিত হৈছে বুলি ভাৰতৰ উচ্চ আয়োগে জানিবলৈ দিছে।
তীব্ৰ বিদ্যুৎ সংকটে দেখা দিয়া দ্বীপ ৰাষ্ট্ৰখনলৰ সংকট হ্ৰাস কৰাত সহায়ৰ উদ্দেশ্যে ভাৰতীয় ক্ৰেডিট লাইনৰ অধীনত এই সাহায্য প্ৰেৰণ কৰা হৈছে।
এই সাহায্যৰ সৈতে দুমাহত ভাৰতে মুঠ ৪০০,০০০ মেট্ৰিক টন বিভিন্ন প্ৰকাৰৰ ইন্ধন সাহায্য শ্ৰীলংকালৈ প্ৰেৰণ কৰিছে।
উল্লেখ্য যে যোৱা ২ এপ্ৰিলতো ৪০,০০০ মেট্ৰিক টন ডিজেলৰ আন এক সাহায্য শ্ৰীলংকালৈ প্ৰেৰণ কৰা হৈছিল।
দেশখনত ভয়াবহ সংকট আৰম্ভ হোৱাৰ পিছত ভাৰতে বুধবাৰে চতুৰ্থবাৰৰ বাবে শ্ৰীলংকালৈ সাহায্য প্ৰেৰণ কৰিছে।
One more consignment of diesel from #India!! 40,000 MT of diesel under the #Indian credit line reached #Srilanka yesterday. A total of close to 400,000 MT of various types of fuel have been delivered with #Indian assistance in two months . pic.twitter.com/j1EJ8dmTjv
— India in Sri Lanka (@IndiainSL) April 21, 2022
উল্লেখযোগ্য যে দুয়োখন দেশে ইতিমধ্যে ৫০০ নিযুত আমেৰিকান ডলাৰৰ ঋণ চুক্তি স্বাক্ষৰ কৰিছে।
পেট্ৰ’লিয়াম সামগ্ৰী ক্ৰয়ৰ বাবে চলিত বৰ্ষৰ ২ ফেব্ৰুৱাৰীত উক্ত চুক্তিখন স্বাক্ষৰিত হৈছিল।
