অনুৰাগীক চিন্তাত পেলাই চিকিৎসালয়ৰ বিছনাত তাৰকা ক্ৰিকেটাৰ সুৰেশ ৰাইনা
ভাৰতীয় দলৰ তাৰকা ক্ৰিকেটাৰ সুৰেশ ৰাইনাৰ শুকুৰবাৰে নেদাৰলেণ্ডৰ ৰাজধানী আমষ্টাৰডামত সফলভাবে আঁঠুৰ অস্ত্ৰোপচাৰ কৰোৱা হয়।
আঠুৰ অস্ত্ৰোপচাৰৰ বাবে ৰাইনাই বহু দিন খেলত অংশগ্ৰহণৰ পৰা বিৰত থাকিব লাগিব যাৰ বাবে আগন্তুক ঘৰুৱা ছিজনতো খেলুৱৈগৰাকীৰ অংশগ্ৰহণৰ সম্ভাৱনা ক্ষীণ হৈ পৰিছে।
শল্য চিকিৎসক এইচ ভ্যান ডেৰ হোভেনে জনোৱা মতে বিগত বহু দিনৰ পৰা খেলুৱৈগৰাকীয়ে আঁঠুৰ সমস্যাত ভূগী আছিল যাৰ বাবে তেওঁৰ অস্ত্ৰোপচাৰ কৰোৱা হয়।
Mr Suresh Raina underwent a knee surgery where he had been facing discomfort for the last few months. The surgery has been successful and it will require him 4-6 week of rehab for recovery.
We wish him a speedy recovery 🙏 pic.twitter.com/osOHnFLqpB
— BCCI (@BCCI) August 9, 2019
চিকিৎসকগৰাকীয়ে সম্পূৰ্ণ সফলভাবে ৰাইনাৰ অস্ত্ৰোপচাৰ কৰা হৈছে বুলি উল্লেখ কৰি খেলুৱৈগৰাকীয়ে সুস্থ হৈ উঠাৰ বাবে চাৰিৰ পৰা ছয় সপ্তাহৰ প্ৰয়োজন হ’ব বুলি কয়।
বিগত বছৰত ইংলেণ্ডৰ বিপক্ষে অন্তিমখন এদিনীয়া আন্তঃৰাষ্ট্ৰীয় খেলত ৰাইনাই অংশ লৈছিল। চলিত বৰ্ষত চেন্নাই চুপাৰ কিংছৰ হৈ আই পি এলত ভাল প্ৰদৰ্শন দাঙি ধৰা ৰাইনাই আই পি এলৰ সময়তে আঁঠুৰ সমস্যাত ভূগিছিল।
ভাৰতীয় ক্ৰিকেট নিয়ন্ত্ৰণ বোৰ্ডৰ পৰা ৰাইনাৰ দ্ৰুত আৰোগ্য কামনা কৰি খেলুৱৈগৰাকীলৈ টুইটাৰ যোগে শুভেচ্ছা জ্ঞাপন কৰে।