নিৰ্দেশনা স্বত্বেও ইউক্ৰেইন এৰিবলৈ অনিচ্ছুক; কেন্দ্ৰৰ নীতিকে দোষাৰোপ ভাৰতীয় শিক্ষাৰ্থীৰ

Indian students refuse to leave Ukraine ইউক্ৰেইনৰ ভাৰতীয় দূতাবাসে ৰাছিয়া-ইউক্ৰেইন যুদ্ধ বৃদ্ধি পোৱাৰ আশংকা কৰি ভাৰতীয়সকলক এক নিৰ্দেশনা জাৰি কৰিছে। দূতাবাসে বাৰে বাৰে কৈছে যে ভাৰতীয়সকলে লগে লগে ইউক্ৰেইন এৰি যোৱা উচিত। কিন্তু বাৰে বাৰে নিৰ্দেশনা দিয়া স্বত্বেও ভাৰতীয়সকলৰ এটা অংশই ইউক্ৰেইন এৰিবলৈ অনিচ্ছুক। তেওঁলোকৰ বেছিভাগেই চিকিৎসা বিজ্ঞানৰ শিক্ষাৰ্থী। তেওঁলোকে দাবী কৰে যে এই পৰিস্থিতিত অধ্যয়ন এৰি দেশলৈ উভতি অহাটো সম্ভৱ নহয়।

লিভিভ মেডিকেল ইউনিভাৰ্চিটি (ইউক্ৰেইন)ৰ এজন শিক্ষাৰ্থীয়ে কৈছে যে অধ্যয়নটো এৰি যোৱাটো সম্ভৱ নহয়। নাম প্ৰকাশত অনিচ্ছুক এজন শিক্ষাৰ্থীয়ে কয় যে তেওঁ তেওঁৰ বন্ধুবৰ্গৰ সৈতে কেইদিনমানৰ বাবে চুবুৰীয়া হাংগেৰীত থাকিব।

লগতে পঢ়ক: হিংসাজৰ্জৰ পাকিস্তানতকৈও কম সুৰক্ষিত ভাৰত! আটাইতকৈ বেয়া পৰিস্থিতি আফগানিস্তানৰ

তেওঁ কয়, “আমি প্ৰায় সাত মাহ ধৰি সমস্যাৰ সন্মুখীন হ’ব লগা হৈছে। মাত্ৰ এমাহ আগতে আমি ইউক্ৰেইনলৈ উভতি আহিছো। কোনোমতে ঘৰৰ মানুহক বুজাই প্ৰায় এক লাখ টকা খৰচ কৰি পঢ়া শুনা সম্পূৰ্ণ কৰিবলৈ মই ইউক্ৰেইনলৈ ঘূৰি আহিছো। গতিকে আমাৰ সন্মুখত উভতি যোৱাৰ কোনো উপায় নাই।”

কিন্তু চিকিৎসা বিজ্ঞানৰ শিক্ষাৰ্থীসকলে কিয় তেওঁলোকৰ জীৱনৰ বিপন্ন কৰি ইউক্ৰেইনত থাকিব বিচাৰে? ইয়াৰ কাৰণ হৈছে ইউক্ৰেইনলৈ উভতি অহা চিকিৎসা বিজ্ঞানৰ শিক্ষাৰ্থীসকলৰ সন্দৰ্ভত কেন্দ্ৰীয় চৰকাৰৰ স্থিতি।

লগতে পঢ়ক: এঞ্জেলিনাৰ ‘বিকৃত’ ছবি প’ষ্ট কৰি শাস্তি; কাৰাগাৰৰ পৰা ওলাই যুৱতীৰ উপলব্ধি-‘ভাল নহয় সস্তীয়া খ্যাতি’

কেইদিনমান পূৰ্বে নেশ্যনেল মেডিকেল কমিশ্যনে কৈছিল যে অনলাইন ক্লাছৰ জৰিয়তে ডিগ্ৰী লাভ কৰিলে তাক ভাৰতত স্বীকৃতি দিয়া নহ’ব। ফলস্বৰূপে ইউক্ৰেইনৰ চিকিৎসা মহাবিদ্যালয়ৰ শিক্ষাৰ্থীসকলে দেশখনলৈ উভতি আহি পঢ়া-শুনা অব্যাহত ৰাখিবলৈ বাধ্য হয়।

শিক্ষাৰ্থীসকলে ইতিমধ্যে ইউক্ৰেইনত পঢ়িবলৈ বহুত টকা ধাৰ লৈছে। ইয়াৰ উপৰিও প্ৰতিকূল পৰিস্থিতিত ইউক্ৰেইনলৈ আহিবলৈ দুগুণতকৈও অধিক ধন ব্যয় কৰিবলগীয়া হৈছে। মুঠতে ভাৰতীয় শিক্ষাৰ্থীসকলে ইউক্ৰেইন এৰিবলৈ অনিচ্ছুক। তেওঁলোকৰ মতে, তেওঁলোকে পঢ়া শুনা সম্পূৰ্ণ নকৰাকৈ ভাৰতলৈ উভতি নাহে। যদি তেনে হয়, তেওঁলোকৰ কফিনবোৰহে ঘৰলৈ ঘূৰি আহিব।

লগতে পঢ়ক: যুৱতীক ঘৰলৈ আনি যৌন ব্যৱসায়! প্ৰাক্তন মুখ্য সচিবৰ বিৰুদ্ধে গুৰুতৰ অভিযোগ, নিলম্বিত আমোলা

ভাৰতীয় দূতাবাসে সকলোকে এই সপ্তাহত দুবাৰকৈ ইউক্ৰেইন এৰি যাবলৈ নিৰ্দেশ দিছে। কিন্তু কেন্দ্ৰীয় চৰকাৰৰ সিদ্ধান্তৰ ফলস্বৰূপে ভাৰতীয় শিক্ষাৰ্থীসকলে তেওঁলোকৰ জীৱনৰ মূল্য দি হ’লেও ইউক্ৰেইনতে থাকিব বিচাৰে।