ভাৰতীয় নাৰীৰ সাফল্য : শাৰী পিন্ধিয়েই আৰোহণ কৰিলে আফ্ৰিকাৰ সৰ্বোচ্চ শৃংগ মাউণ্ট কিলিমাঞ্জাৰো
আফ্ৰিকাৰ সৰ্বোচ্চ শৃংগ মাউণ্ট কিলিমাঞ্জাৰো জয় কৰাটো কোনো সাধাৰণ কথা নহয়। তাতে শাৰী পৰিধান কৰি। কিন্তু এগৰাকী ভাৰতীয় মহিলা চিকিৎসকে এই অসম্ভৱ সাধন কৰিছে।
চেন্নাইৰ দন্ত চিকিৎসক ইছা ফাতিমা জেচমিনে পৰম্পৰাগত ৰেচমৰ শাৰী পিন্ধি ইতিহাসৰ সৃষ্টি কৰিছে। আনকি সমুদ্ৰপৃষ্ঠৰ পৰা ১৯,৩৪১ ফুট উচ্চতাত থকা এই শৃংগটোত তেওঁ পুছ আপো কৰে।
ছয়দিনীয়া আৰোহণৰ বেছিভাগ সময়তে ইছাই ট্ৰেক পেণ্ট আৰু পাঁচৰ পৰা সাত লেয়াৰত থাৰ্মেল টপ পিন্ধিছিল। এই কাপোৰে তেওঁক মাইনাছ উষ্ণতাৰ বিৰুদ্ধে যুঁজ দিয়াত সহায় কৰিছিল। কিন্তু ট্ৰেকিঙৰ শেষ দিনটোত তেওঁ শাৰী পৰিধান কৰিছিল। শৃঙ্গটোৰ শিখৰত তাপমাত্ৰা আছিল -১৪ ডিগ্ৰী চেলছিয়াছ।
এই অভিজ্ঞতাৰ বিষয়ে কোৱাৰ সময়ত ইছাই কয়, “আগতীয়াকৈ কোনো পৰিকল্পনা নাছিল। মোৰ শাৰী পিন্ধাৰ কাৰণ আছিল কাৰণ মই পৰ্বতৰ শিখৰত নিজৰ ঐতিহ্য ভালপোৱা এগৰাকী ছোৱালীৰ লগতে এগৰাকী পৰ্বতাৰোহীকো চাব বিচাৰিছিলো।”
“পৰম্পৰা আৰু শক্তিৰ মাজৰ পৰা মই এটা বাছি ল’ব লাগিছিল। কিন্তু মই দুয়োটাকে প্ৰতিনিধিত্ব কৰিছিলো,” চিকিৎসকগৰাকীয়ে কয়।
উল্লেখ্য যে ইয়াৰ পূৰ্বে ইছাই এভাৰেষ্ট বেছ কেম্পৰ ট্ৰেক সম্পূৰ্ণ কৰিছে। এইবাৰ তেওঁ মাউণ্ট কিলিমাঞ্জাৰোৰ শিখৰত উপনীত হৈছে।