ৰাছিয়াৰ ‘চোৰাংচোৱা’ ভিক্টোৰিয়া বাসুক বিচাৰি উলিওৱাৰ বাবে উচ্চতম ন্যায়ালয়ে ন’টিচ জাৰি কৰাৰ নিৰ্দেশ দিছে। শুকুৰবাৰে গোচৰৰ শুনানিৰ সময়ত কেন্দ্ৰই জনাইছে যে ইতিমধ্যে লুক-আউট ন’টিচ জাৰি কৰা হৈছে। এতিয়াও আইনী দেশ এৰি পলাব পৰা নাই ভিক্টোৰিয়া। ইফালে, দিল্লী এনচিআৰৰ সকলো পথ, দেশৰ সকলো আন্তঃৰাষ্ট্ৰীয় বিমানবন্দৰৰ লগতে সকলো বিমানবন্দৰৰ চিচিটিভি চোৱাচিতা কৰাৰ নিৰ্দেশ দিছে আদালতে। গোচৰৰ পৰৱৰ্তী দিন অহা সোমবাৰৰ বাবে নিৰ্ধাৰণ কৰা হৈছে।
বৃহস্পতিবাৰে গোচৰৰ সময়ত উচ্চতম ন্যায়ালয়ে দিল্লী আৰক্ষীক তেওঁৰ সন্তানৰ সৈতে ভিক্টোৰিয়াক বিচাৰি উলিয়াবলৈ নিৰ্দেশ দিছিল। লগতে লুকাউট নোটিচ জাৰি কৰাৰ নিৰ্দেশ দিয়া হয়। ইফালে ভিক্টোৰিয়াৰ মাতৃয়ে ৰাছিয়াৰ পৰা প্ৰতিক্ৰিয়া স্বৰূপে আৰক্ষীক অভিযোগ কৰিছে যে ভিক্টোৰিয়াক বিচাৰি পোৱা নাই।
ঘটনাক্ৰম অনুসৰি চন্দনগৰৰ বাসিন্দা ছাইকত বসুৱে ব্যৱসায়ৰ বাবে চীনত বহু সময় কটায়। তাতে তেওঁ ৰাছিয়াৰ ভিক্টোৰিয়া জিগালিনাক লগ পায়। তেওঁলোকৰ মাজত ঘনিষ্ঠতা বাঢ়ি আহিছিল আৰু দুয়োৰে মাজত প্ৰেমৰ সম্পৰ্ক গঢ় লৈ উঠিছিল। তেঁলোকে বিবাহপাশত আবদ্ধ হৈ চন্দনগৰৰ ঘৰলৈ উভতি আহে। তেতিয়াই ছাইকাট আৰু বসু পৰিয়ালে গম পালে যে ভিক্টোৰিয়াৰ পিতৃ ৰাছিয়াৰ চোৰাংচোৱা সংস্থা ‘এফ এছ বি’ৰ প্ৰাক্তন বিষয়া। ছাইকাটে দাবী কৰে যে তেওঁলোকৰ বিয়াৰ পিছৰে পৰা তেওঁৰ পত্নীয়ে তেওঁক ফ’ৰ্ট উইলিয়ামলৈ যাবলৈ হেঁচা দি আহিছিল। কিন্তু সেই অনুৰোধৰ আগত ছাইকাতৰ পিতৃ প্ৰাক্তন নৌসেনা বিষয়া সমীৰ বসুৱে বাধা প্ৰদান কৰে। ছাইকাটে দাবী কৰে যে এই কাৰণেই ভিক্টোৰিয়াই নিজৰ সন্তানক কেৱল নিজৰ লগত ৰাখিবলৈ আবেদন লৈ উচ্চতম ন্যায়ালয়লৈ গৈছিল। সেই গোচৰৰ সময়ত ভিক্টোৰিয়া হঠাতে নিজৰ সন্তানৰ সৈতে অন্তৰ্ধান হৈ পৰে। উচ্চতম ন্যায়ালয়ে সেই গোচৰত সন্তানৰ সৈতে ভিক্টোৰিয়াক বিচাৰি উলিয়াবলৈ সকলো ব্যৱস্থা গ্ৰহণ কৰিবলৈ নিৰ্দেশ দিছে।
