Monkeypox in Delhi: ভাৰতত চতুৰ্থটো সংক্ৰমণৰ ঘটনা; এইবাৰ ৰাজধানী দিল্লীত ধৰা পৰিল মাঙ্কিপক্স
Monkeypox in Delhi এইবাৰ ৰাজধানী দিল্লীতো মাঙ্কিপক্স ধৰা পৰিল। এইটো হৈছে ভাৰতত চতুৰ্থটো সংক্ৰমণৰ ঘটনা।ভাৰতৰ কেৰালাত প্ৰথমে মাঙ্কিপক্স ধৰা পৰিছিল। কেৰালাত আৰৱ আমিৰাতৰ পৰা ভ্ৰমণ কৰি অহা এজন ব্যক্তিৰ গাত ধৰা পৰিছিল সংক্ৰমণ।
তাৎপৰ্যপূৰ্ণভাৱে, ৰাজধানী দিল্লীত যিজন ব্যক্তিৰ শৰীৰত মাঙ্কিপক্সৰ ভাইৰাস ধৰা পৰিছে তেওঁৰ কোনো শেহতীয়া বিদেশ ভ্ৰমণৰ ইতিহাস নাই। ৩১ বছৰীয়া ৰোগীজনক লগে লগে চিকিৎসালয়ত ভৰ্তি কৰোৱা হয়।
এইটো ভাৰতৰ চতুৰ্থটো মাঙ্কিপক্স সংক্ৰমণৰ ঘটনা। ইয়াৰ পূৰ্বে তিনিওটা সংক্ৰমণৰ ঘটনা কেৰালাত ধৰা পৰিছিল।
শনিবাৰে বিশ্ব স্বাস্থ্য সংস্থাই মাঙ্কিপক্সক “বিশ্ব স্বাস্থ্য জৰুৰীকালীন অৱস্থা” বুলি ঘোষণা কৰে। তথ্য অনুসৰি, বিশ্বৰ ৭৫ খন দেশত ১৭,০০০ লোক মাঙ্কিপক্সত আক্ৰান্ত হোৱাৰ খবৰ পোৱা গৈছে।
বিশ্ব স্বাস্থ্য সংস্থাৰ মুৰব্বী টেড্ৰোছ অধানম ঘেব্ৰিয়াচাছে কয় যে মাঙ্কিপক্স ইতিমধ্যে আহিবলগীয়া দিনবোৰত আতংক হিচাপে বৃহৎ আকাৰ ধাৰণ কৰিবলৈ আগবাঢ়িছে। ৰাষ্ট্ৰসংঘৰ স্বাস্থ্য সংস্থাটোৱেও এই বিষয়ে উদ্বেগ প্ৰকাশ কৰিছে।
The first case of Monkeypox was detected in Delhi. The patient is stable and recovering.
There's no need to panic. The situation is under control.
We have made a separate isolation ward at LNJP. Our best team is on the case to prevent the spread and protect Delhiites.
— Arvind Kejriwal (@ArvindKejriwal) July 24, 2022
বিশ্ব স্বাস্থ্য সংস্থাৰ দক্ষিণ-পূব এছিয়াৰ মুৰব্বী পুনম ক্ষেত্ৰপাল সিঙে কয় যে ইতিমধ্যে যিবোৰ জনগোষ্ঠী মাঙ্কিপক্স বা এনে ৰোগৰ দ্বাৰা আক্ৰান্ত তাত পৰিকল্পিতভাৱে নিয়ন্ত্ৰণ ব্যৱস্থা গ্ৰহণ কৰিলে নিয়ন্ত্ৰণত ৰাখিব পৰা যাব।