নিত্য নতুন কৌশল গ্ৰহণ কৰি চীনে ভাতৰক অস্থিৰ কৰি তুলিব খুজিছে নেকি!
এফালে পাকিস্তানৰ সৈতে পাক অধিকৃত পঞ্জাৱ আৰু কাশ্মীৰৰ অৰ্থনৈতিক কৰিড’ৰত ভৌগোলিক পৰিৱৰ্তনৰ চেষ্টা কৰিছে চীনে।
আনফালে নেপালৰ সহায়ত ভাৰতক অস্থিৰ কৰি তুলিবলৈ নিত্য নতুন চক্ৰান্ত ৰচনাত ব্যস্ত হৈ পৰিছে চীন।
ইফালে লাডাখ সীমান্তৰ পৰা ছিকিম হৈ অৰুণাচল প্ৰদেশলৈকে আৱেষ্টিত ভাৰত-চীন সীমান্ততো চীনে আগ্ৰাসী মনোভাৱ চলাই আহিছে।
তেনে সময়তে ভাৰতৰ বিৰুদ্ধে নেপালক প্ৰতি নিয়ত উচতাই আহিছে চীনে। এই দাবী ভাৰতীয় চোৰাংচোৱা সূত্ৰৰ।
সূত্ৰৰটোৰ মতে চীনে ভাৰতক অস্থিৰ কৰি তুলিবলৈ নেপালক ব্যৱহাৰ কৰিছে আৰু নেপালৰ প্ৰধান মন্ত্ৰী ওলি শৰ্মাই নিজৰ গাদী ৰক্ষাৰ স্বাৰ্থত চীনৰ শ্ৰুতলিপি মানি আহিছে।
ভাৰতীয় চোৰাংচোৱা সূত্ৰৰ মতে ভাৰত বিৰোধী বিক্ষোভ প্ৰদৰ্শন কৰিবলৈ শেহতীয়াভাৱে বেইজিঙে নেপালক ধনৰ যোগান ধৰিছে।
সূত্ৰটোৰ মতে নেপালৰ বৰ্তমান পুষ্পকুমাৰ দাহাল তথা প্ৰচণ্ডৰ অনুগামীৰ সৈতে প্ৰধানমন্ত্ৰী ওলিৰ অনুগামীৰ বিভিন্ন ঠাইত বিক্ষিপ্ত বিবাদৰ সৃষ্টি হৈছে।
নেপালী জাতীয়তাবাদী আৱেগেৰে পৰিচালিত প্ৰধানমন্ত্ৰী ওলিয়ে চীনৰ সহায়ত ভাৰতক অস্থিৰ কৰি তুলিবলৈ চেষ্টা কৰিছে ইয়াৰ সুযোগ গ্ৰহণ কৰি।
আনকি ভাৰত-নেপাল সীমান্ত অশান্ত কৰি তুলিবলৈ বেইজিঙে নেপালক ধনৰ যোগানো ধৰিছে।
ইয়াৰ বাবে ইতিমধ্যে চীনে নেপালস্থিত চীনা দূতাৱাসত বিভিন্ন সংগঠনৰ হাতত আঢ়ৈ কোটিৰো অধিক ধন তুলি দিয়া বুলি দাবী কৰিছে ভাৰতীয় গুপ্তচৰ সূত্ৰই।
আৰু এই ধন লাভ কৰা সংস্থা তথা সংগঠনসমূহে সাধাৰণ নেপালী জনতাৰ মাজত ভাৰত বিদ্বেষী মনোভাৱ প্ৰোথিত কৰাত আত্মনিয়োগ কৰিছে।
