মঙলবাৰে গুৱাহাটীৰ লোকপ্ৰিয় গোপীনাথ বৰদলৈ আন্তৰ্জাতিক বিমান বিন্দৰৰ পৰা উৰণৰ কেইটামান মুহূৰ্ততে জৰুৰীকালীনভাবে অৱতৰণ কৰিবলগীয়া হয় ইণ্ডিগোৰ এখন বিমান।
সূত্ৰৰ পৰা জানিব পৰা মতে, অসমৰ কেইবাজনো ৰাজনৈতিক নেতাই বিমানখনেৰে যাত্ৰা কৰাৰ সময়তে এই ঘটনাটো সংঘটিত হয়।
বিধায়ক নৱ কুমাৰ দলেৰ সৈতে অসমৰ কেবিনেট মন্ত্ৰী বিমল বৰা আৰু ৰঞ্জিত কুমাৰ দাস আছিল আন শ শ যাত্ৰীও কঢ়িয়াই অনা বিমানখনত।
বিমানখনে উৰণৰ পিছতে এটা কাৰিকৰী সমস্যাৰ সন্মুখীন হয় আৰু পুনৰ বিমানবন্দৰলৈ উভতি যাবলগীয়া হয়। সূত্ৰই জনোৱা মতে, ৬ই-২৬৫২ নম্বৰৰ ইণ্ডিগ’ বিমানখন ডিব্ৰুগড় অভিমুখী আছিল।
ইফালে এই কথা পোহৰলৈ আহিছে যে এই কাণ্ডৰ কেইসপ্তাহমান পূৰ্বে একেখন বিমানেই আন এক কাৰিকৰী সমস্যাৰ বাবে একেধৰণৰ জৰুৰীকালীন অৱতৰণ কৰিবলগীয়া হৈছিল।
এই সন্দৰ্ভত এতিয়াও বিমান সংস্থাটোৱে কোনো আনুষ্ঠানিক মন্তব্য কৰা নাই।
