ভাৰতৰ প্ৰাক্তন অপেনিং বেটছমেন ৱাছিম জাফাৰে দেওবাৰে আই পি এলৰ সৰ্বকালৰ এঘাৰজনীয়া দলটো নিৰ্বাচিত কৰিছে। প্ৰত্যাশিতভাৱে এই দলৰ অধিনায়কৰ দায়িত্ব দিছে বিশ্বৰ অন্যতম শ্ৰেষ্ঠ অধিনায়ক হিচাপে বিবেচিত হোৱা মহেন্দ্ৰ সিং ধোনীক।
জাফাৰে দলটোত ধোনী সহিতে ৭ জন ভাৰতীক স্থান দিছে। খেলুৱৈ কেইগৰাকী হ’ল- ৰোহিত শৰ্মা, বিৰাট কোহলি, সুৰেশ ৰাইনা, অলৰাউণ্ডাৰ হাৰ্দিক পাণ্ডিয়া, স্পিনাৰ আৰ অশ্বিন আৰু বেগী বলাৰ যশপ্ৰীত বুমৰাহ।
ইয়াৰ উপৰি আন এগৰাকী অলৰাউণ্ডাৰ ৰবীন্দ্ৰ জাদেজাক স্থান দিছে ১২ নম্বৰত।
আনহাতে তেওঁৰ দলত স্থান পোৱা চাৰিগৰাকী বিদেশী ক্ৰিকেটাৰ হ’ল- ৱেষ্ট ইণ্ডিজৰ বিস্ফোৰক বাঁওহতীয়া অপেনিং বেটছমেন ক্ৰিছ গেইল, অলৰাউণ্ডাৰ আন্দ্ৰে ৰাছেল, শ্ৰীলংকাৰ বেগীবলাৰ লাছিথ মালিংগা আৰু আফগানিস্তানৰ লেগ স্পিনাৰ ৰাছিদ খান।
উল্লেখ্য যে এইমাহৰ শেষৰ পৰা আই পি এলৰ চলিত সংস্কৰণ আৰম্ভ হোৱাৰ কথা আছিল যদিও ক’ৰ’না ভাইৰাছৰ ভয়াৱহতাৰ প্ৰতি লক্ষ্য ৰাখি বি চি চি আইয়ে ১৫ এপ্ৰিললৈ সাময়িকভাৱে স্থগিত ৰাখিছে আই পি এল।
