ভাৰতীয় সামগ্ৰীৰ ওপৰত ৫০ শতাংশ শুল্ক আৰোপ কৰিছে আমেৰিকাৰ ৰাষ্ট্ৰপতি ড’নাল্ড ট্ৰাম্পে। এই পদক্ষেপত ভাৰতে দীৰ্ঘদিনীয়া ‘বাণিজ্য বন্ধু’ ৰাছিয়াক অধিক ওচৰ চাপিছে। বৃহস্পতিবাৰে মস্কোলৈ বৈদেশিক পৰিক্ৰমা মন্ত্ৰী এছ জয়শংকৰৰ বাৰ্তা আছিল যে আমি অধিক শক্তিশালী বাণিজ্যিক সম্পৰ্ক গঢ়ি তুলিব লাগিব। তেওঁ ৰাছিয়াৰ কোম্পানীসমূহক ভাৰতীয় অংশীদাৰসকলৰ সৈতে “অধিক ঘনিষ্ঠভাৱে” কাম কৰিবলৈ আহ্বান জনায়।
মস্কো ভ্ৰমণৰ সময়ত ৰাছিয়াৰ উপ-প্ৰধানমন্ত্ৰী ডেনিছ মান্টুৰভৰ কাষত বহি জয়শংকৰে কয় যে আমাৰ মন্ত্ৰ হ’ব লাগে অধিক কৰা আৰু কামবোৰ বেলেগ ধৰণে কৰা। তেওঁ স্পষ্টভাৱে কয় যে, “আমি শুল্ক আৰু অন্যান্য বাধা আঁতৰাই যোগানৰ সুবিধা প্ৰদান কৰিব লাগিব। আমি আন্তঃৰাষ্ট্ৰীয় উত্তৰ-দক্ষিণ পৰিবহণ কৰিডৰ, উত্তৰ সাগৰীয় পথ আৰু চেন্নাই-ভ্লাডিভষ্টক কৰিডৰৰ জৰিয়তে সংযোগ বৃদ্ধি কৰিব লাগিব। ইয়াৰ উপৰিও আমি দুয়োখন দেশৰ বিত্তীয় আদান-প্ৰদান মসৃণ কৰিব লাগিব।”
