মধ্যপ্ৰদেশৰ পৰা ৰাজ্যসভালৈ নিৰ্বাচিত হৈছে বিজেপিৰ নেতা জ্যোতিৰাদিত্য সিন্ধিয়া।
শুকুৰবাৰে জ্যোতিৰাদিত্য সিন্ধিয়া ৰাজ্যসভালৈ নিৰ্বাচিত হয়।
জ্যোতিৰাদিত্য সিদ্ধিয়াৰ লগতে বিজেপিৰ চুমেৰ সিং চোলাংকী আৰু জেষ্ঠ কংগ্ৰেছী নেতা দ্বিগবিজয় সিঙো শুকুৰবাৰে মধ্যপ্ৰদেশৰ পৰা ৰাজ্যসভালৈ নিৰ্বাচিত হয়।
উল্লেখযোগ্য যে, জ্যোতিৰাদিত্য সিদ্ধিয়াই কেইমাহমান পূৰ্বে কংগ্ৰেছ ত্যাগ কৰি বিজেপিত যোগদান কৰিছিল।
জ্যোতিৰাদিত্যই কংগ্ৰেছ ত্যাগ কৰাৰ পাছতে মধ্যপ্ৰদেশত কংগ্ৰেছ চৰকাৰৰ পতন ঘটিছিল আৰু বিজেপিয়ে পুনৰ ক্ষমতালৈ ঘুৰি আহিছিল।
কমলনাথ চৰকাৰৰ পতনৰ পাছতে শিৱৰাজ সিং চৌহানে মধ্যপ্ৰদেশৰ মুখ্য মন্ত্ৰী হিচাপে দায়িত্বভাৰ গ্ৰহণ কৰিছিল।
আনহাতে, মধ্যপ্ৰদেশৰ পৰা ৰাজ্যসভালৈ নিৰ্বাচিত হোৱা জ্যোতিৰাদিত্য সিন্ধিয়াৰ শৰীৰত ক’ৰ’না ভাইৰাছৰ উপস্থিতি ধৰা পৰিছিল।
সিন্ধিয়াৰ লগতে তেওঁৰ মাতৃৰ শৰীৰতো ক’ৰ’না ভাইৰাছৰ উপস্থিতি ধৰা পৰিছিল।
