ৰহস্য! মুম্বাইৰ ফ্লেটত উদ্ধাৰ অসমৰ অভিনেত্ৰী নূৰ মালবিকা দাসৰ মৃতদেহ
মুম্বাইৰ নিজা ফ্লেটত উদ্ধাৰ হৈছে প্ৰাক্তন এয়াৰ হোষ্টেজ তথা অসমৰ পৰা যোৱা বলীউডৰ অভিনেত্ৰী নূৰ মালবিকা দাসৰ মৃতদেহ। সন্দেহ অনুসৰি আত্মহত্যা কৰিছে অভিনেত্ৰীগৰাকীয়ে।
উল্লেখ্য যে ২০২৩ চনৰ ‘দ্য ট্ৰাইল’ত কাজল আগৰৱালৰ সহ অভিনেত্ৰী হিচাপে দেখা গৈছিল নূৰ মালবিকাক।
খবৰ অনুসৰি মৃত্যুৰ সময়ত অভিনেতাগৰাকীৰ বয়স আছিল ৩৭ বছৰ।
প্ৰকাশিত বাতৰি অনুসৰি, নূৰ মালবিকা দাসৰ ফ্লেটৰ পৰা দুৰ্গন্ধ ওলোৱাৰ পিছতে তেওঁৰ ওচৰ-চুবুৰীয়াই আৰক্ষীক অৱগত কৰে। আৰক্ষী উপস্থিত হৈ দাসৰ অৰ্ধগলিত মৃতদেহ উদ্ধাৰ কৰে।
আৰক্ষীয়ে জনোৱা মতে, অশিৱৰা অঞ্চলৰ আন্ধেৰীত থকা নিজা ফ্লেটৰ চিলিং ফেনত ওলমি থকা অৱস্থাত উদ্ধাৰ হৈছে অভিনেত্ৰীগৰাকীৰ মৃতদেহ।
মিড-ডেৰ এক প্ৰতিবেদন অনুসৰি যোৱা ৬ জুনত নূৰ মালাকিয়া দাসৰ মৃতদেহ উদ্ধাৰ হয়। মৃতদেহ উদ্ধাৰৰ সময়ত আৰক্ষীয়ে ফ্লেটটোত তালাচী চলাই ঔষধ, মোবাইল ফোন আৰু এখন ডায়েৰী সংগ্ৰহ কৰে। তাৰপিছত আৰক্ষীয়ে মৃতদেহটো মৰণোত্তৰ পৰীক্ষা বাবে স্থানীয় চিকিৎসালয়লৈ প্ৰেৰণ কৰে।
উল্লেখ্য যে অভিনেত্ৰীগৰাকীৰ মৃত্যুৰ খবৰ লাভ কৰাৰ পিছতো অভিনেত্ৰীগৰাকীৰ মৃতদেহ চমজি ল’বলৈ কোনো এজন পৰিয়ালৰ লোক আগবাঢ়ি নহাত আৰক্ষীয়ে দাবীহীন মৃতদেহ দাহ কৰা ‘মমদানি হেল্থ এণ্ড এডুকেচন ট্ৰাষ্ট’ৰ সহায়ত দেওবাৰে অভিনেত্ৰীগৰাকীৰ শেষকৃত্য সম্পন্ন কৰে।
জানিব পৰা মতে, যোৱা মাহলৈকে মালবিকাৰ পৰিয়ালৰ লোকসকল মুম্বাইতে মালবিকাৰ সৈতে আছিল। এসপ্তাহ পূৰ্বে পৰিয়ালটো অসমলৈ ঘূৰি আহিছিল।
উল্লেখ্য যে নূৰ মালালিকা দাসে চিস্কিয়ান, ৱাকমন, তীখী চাটনী, আৰু চৰমসুখকে ধৰি বহু হিন্দী ছবি আৰু ৱেব ছিৰিজত কাম কৰিছিল।