প্ৰধানমন্ত্ৰীৰ পদ দিলেও তেওঁ কেতিয়াও বিজেপিত যোগদান নকৰে। কৰ্ণাটকৰ মুখ্যমন্ত্ৰী সিদ্দাৰামাইয়াই স্পষ্ট কৰি দিছে।
লোকসভা নিৰ্বাচনৰ পূৰ্বে আক্ৰমণাত্মক সিদ্দাৰামাইয়াই কয় যে বিজেপি বা আৰএছএছৰ কোনোৱেই দেশৰ উন্নতি সাধন কৰিব নোৱাৰে। সাধাৰণ মানুহক মুৰ্খ বনোৱা কামটো তেওঁলোকে বৰ সুন্দৰকৈ কৰি আছে।
নিজৰ দলৰ পৰা বিজেপিত যোগদান কৰা সকলক কটাক্ষ কৰি ছিদ্দাৰমাইয়াই কয় যে ৰাজনীতিবিদৰ বৰ্তমান কোনো নীতি নাই। গতিকে যিকোনো সময়তে সাধাৰণ মানুহক মুৰ্খ সজায়।
আনহাতে, মোডীৰ শাসনকালক কটাক্ষ কৰি তেওঁ দাবী কৰে যে ইংৰাজে ভাৰতত শাসন কৰি নিজৰ লক্ষ্যত উপনীত হৈছিল। বিজেপিয়েও এতিয়া একে কামে কৰি আছে। নিৰ্বাচনত জয়ী হ’বলৈ বিজেপিয়ে সকলো কৰিব পাৰে।
উল্লেখ্য যে কৰ্ণাটকত দুটা পৰ্যায়ত অনুষ্ঠিত হ’ব লোকসভা নিৰ্বাচন। ২৬ এপ্ৰিল আৰু ৭ মে’ত ২৮টা সমষ্টিৰ বাবে ৰাজ্যখনত ভোটগ্ৰহণ অনুষ্ঠিত হ’ব। এইবাৰ ৫৪৩খন লোকসভা আসনত ভোটগ্ৰহণ আৰম্ভ হ’ব ১৯ এপ্ৰিলৰ পৰা। ৪ জুনত ঘোষণা কৰা হ’ব ফলাফল।
