কৰ্ণাটকৰ চিনি চেট্টীৰ শিৰত মিছ ইণ্ডিয়া ৱৰ্ল্ড ২০২২ খিতাপ
ভিএলচিচি ফেমিনা মিছ ইণ্ডিয়াৰ গ্ৰেণ্ড ফিনালেত দেওবাৰে শেষ হাঁহি মাৰি ফেমিনা মিছ ইণ্ডিয়া ৱৰ্ল্ড ২০২২ সন্মান অৰ্জন কৰিবলৈ সক্ষম হয় কৰ্ণাটকৰ চিনি চেট্টীয়ে।
জিঅ’ ৱৰ্ল্ড কনভেনচন চেণ্টাৰত আয়োজিত অনুষ্ঠানটোত ৰাজস্থানৰ ৰুবাল শ্বেখাৱত ফেমিনা মিছ ইণ্ডিয়া ২০২২ ৰ প্ৰথম ৰানাৰ-আপ আৰু উত্তৰ প্ৰদেশৰ শিনাতা চৌহান দ্বিতীয় ৰানাৰ-আপ হিচাপে মনোনীত হয়।
বলীউডৰ অভিনেতা ডিনো মৰিয়া, নেহা ধুপিয়া আৰু মালাইকা অৰোৰা, ডিজাইনাৰ ৰোহিত গান্ধী আৰু ৰাহুল খান্না, কৰিঅ’গ্ৰাফাৰ চিয়ামাক দাভাৰ আৰু প্ৰাক্তন ক্ৰিকেটাৰ মিতালী ৰাজ ফিনালেৰ জুৰী পেনেলৰ অংশ আছিল।
উল্লেখ্য যে প্ৰতিযোগিতাখনৰ বাবে ভাৰ্চুৱেল অডিচনৰ জৰিয়তে দেশৰ সকলো প্ৰান্তৰ পৰা অংশগ্ৰহণকাৰী সন্ধান কৰা হৈছিল আৰু ৩১ গৰাকী ৰাজ্যিক বিজয়ী প্ৰতিযোগীক মূল প্ৰতিযোগিতাখনৰ বাবে বাছনি কৰা হৈছিল।