বিহালী আৰু চামগুৰি বিধান সভা সমষ্টিৰ নিৰ্বাচনী প্ৰচাৰৰ বাবে ষ্টাৰ কেম্পেইনাৰৰ তালিকা প্ৰকাশ কৰিছে আম আদমী পাৰ্টিয়ে। ৪০ জনীয়া ষ্টাৰ কেম্পেইনাৰৰ তালিকাৰ শীৰ্ষত আছে দলৰ মুৰব্বী তথা দিল্লীৰ প্ৰাক্তন মুখ্যমন্ত্ৰী অৰবিন্দ কেজৰিৱালৰ নাম।
দিল্লীৰ প্ৰাক্তন উপ মুখ্যমন্ত্ৰী মনীষ ছিছ’দিয়া, বৰ্তমানৰ মুখ্যমন্ত্ৰী আতিশী, পঞ্জাৱৰ মুখ্যমন্ত্ৰী ভগৱন্ত মানৰ উপৰি অসমত নিৰ্বাচনী প্ৰচাৰ চলাবলৈ আহিব প্ৰাক্তন ক্ৰিকেটাৰ তথা আপৰ ৰাজ্যসভাৰ সাংসদ হৰভজন সিং, সাংসদ সঞ্জয় সিং, ৰাঘৱ চাদ্দা, ড০ সন্দীপ পাঠক, দিল্লী চৰকাৰৰ মন্ত্ৰী সৌৰভ ভৰদ্বাজ, ইমৰাণ হুছেইন, গোপাল ৰায়, জেছমিন শ্বাহৰ লগতে মুঠ ২৮ গৰাকী ৰাষ্ট্ৰীয় নেতা । দুটাকৈ সমষ্টিত প্ৰচাৰ চলাবলৈ আপে আন ১২ গৰাকী ৰাজ্যিক নেতাৰ নাম ষ্টাৰ কেম্পেইনাৰৰ তালিকাত সন্নিৱিষ্ট কৰিছে।
