এলানি অভিযোগ লৈ পত্নীৰ বিৰুদ্ধে বিবাহ বিচ্ছেদৰ গোচৰ তৰিছিল এজন লোকে। তেওঁৰ এটা অভিযোগ আছিল যে তেওঁৰ পত্নীয়ে ৰান্ধিব নাজানে। তেওঁক ৰান্ধি খুৱাব নোৱাৰে। কেৰালা উচ্চ ন্যায়ালয়ৰ ন্যায়াধীশ অনিল কে নৰেন্দ্ৰন আৰু ন্যায়াধীশ ছফী থমাছক লৈ গঠিত খণ্ড বিচাৰপীঠৰ সন্মুখত এই গোচৰটো উত্থাপন হয়। কিন্তু কেৰেলা উচ্চ ন্যায়ালয়ে সেই আবেদন খাৰিজ কৰি দিছে।
আদালতে স্পষ্ট কৰি দিছে যে পত্নীয়ে যদি ৰান্ধিব নাজানে, তেতিয়াহ’লে ৰন্ধা-বঢ়া কৰি স্বামীক খুৱাব নোৱাৰোটে অপৰাধ নহয়। ৰান্ধিব নজনা আৰু সেয়ে ৰান্ধি খুৱাব নোৱাৰাটোক কৱ ‘নিষ্ঠুৰতা’ বুলি গণ্য কৰিব নোৱাৰি।
তেওঁলোকৰ বিবাহিত জীৱনৰ ১১ বছৰ পাৰ হৈ গৈছে। ২০১২ চনৰ মে’ মাহত তেওঁলোকৰ বিবাহ হয়। তেতিয়া তেওঁলোক বিদেশত বাস কৰিছিল। আবুধাবিত আছিল। পত্নীয়ে বিভিন্ন ধৰণে তেওঁক অপমান কৰা বুলি অভিযোগ কৰে স্বামীয়ে। আনকি আত্মীয় স্বজনৰ সন্মুখতো অপমান কৰা বন্ধ নকৰে। তেওঁক উপযুক্ত সন্মান নিদিয়া আৰু সদায় দূৰত্ব বজাই ৰখাৰো অভিযোগ কৰে।
লগতে পঢ়কঃ পানীয়েই প্ৰাণ: পিছে সাৱধান! অধিক পানীয়েও কৰে ক্ষতি
কেৱল সেয়াই নহয়, এই অশান্তিৰ মাজতে এবাৰ পত্নীয়ে স্বামীৰ অফিচৰ সৈতেও যোগাযোগ কৰিছিল। অভিযোগ অনুসৰি তাতো তেওঁৰ বিৰুদ্ধে অভিযোগ দাখিল কৰি চাকৰিৰ পৰা বৰ্খাস্ত কৰিবলৈ চেষ্টা কৰিছিল। ইয়াৰ উপৰিও ৰন্ধা-বঢ়া নকৰাৰ লগতে শাহুৱেকৰ সৈতে অকাৰণতে কাজিয়া কৰাৰ অভিযোগো উত্থাপন হৈছে।
ইপিনে, পত্নীৰো এটা ওলোটা অভিযোগ আছে। অভিযোগ অনুসৰি স্বামীৰ যৌন বিকৃতি আছিল আৰু মাজে মাজে পত্নীক শাৰীৰিক ৰূপক লৈ ঠাট্টা কৰিছিল। পত্নীয়ে অভিযোগ কৰে যে তেওঁৰ স্বামীৰ মানসিক সমস্যা আছে।
আদালতত স্বামীৰ কাৰ্যালয়ত যোগাযোগৰ কথাৰো বাখ্যা দিয়ে। মহিলাগৰাকীৰ মতে, তেওঁ নিজৰ বিবাহিত জীৱনক লৈ চিন্তিত হৈ পৰিছিল। আদালতত তেওঁ কয় যে তেওঁৰ স্বামীৰ সৈতে কি হৈছে জানিবলৈ তেওঁৰ কাৰ্যালয়ৰ সৈতে যোগাযোগ কৰিছিল।
লগতে পঢ়কঃ ‘এক অজীৱ সী বেতাবি….’: বিচ্ছেদ বিহ্বল ধাৱানৰ আৱেগিক ব্যাকুলতা
দুয়োপক্ষৰ বক্তব্য শুনাৰ পিছত আদালতে বিবাহ বিচ্ছেদৰ গোচৰ খাৰিজ কৰে। প্ৰায় ১০ বছৰ ধৰি বিচ্ছেদ হৈ আছে এই দম্পতী। কিন্তু আদালতে কয় যে যিহেতু বিবাহ বিচ্ছেদৰ কোনো পৰ্যাপ্ত কাৰণ বিচাৰি পোৱা নগ’ল, গতিকে এটা পক্ষই একপক্ষীয়ভাৱে বৈবাহিক সম্পৰ্কৰ পৰা ওলাই আহিব নোৱাৰে।
