ধোনীয়ে সপোনতো ভাৱিব নোৱাৰা সেই অভিলেখ গঢ়ি দেখুৱালে ৰাহুলে! মুগ্ধ অনুৰাগী

ভাৰতৰ দক্ষিণ আফ্ৰিকা ভ্ৰমণৰ প্ৰথমখন টেষ্টত ভাৰতীয় দল অলপ শলঠেকত পৰিছে। ভাৰতক ৰাবাডা, বাৰ্গাৰ বাহিনীয়ে ২৪৫ ৰানত আউট কৰাৰ পাছত দ্বিতীয় দিনৰ শেষত দক্ষিণ আফ্ৰিকাৰ টপ অৰ্ডাৰে ৫ উইকেটত ২৫৬ ৰান সংগ্ৰহ কৰি ১১ ৰানৰ অগ্ৰগতি লাভ কৰে। কালি দক্ষিণ আফ্ৰিকাৰ পেচ আক্ৰমণৰ বিৰুদ্ধে লোকেশ ৰাহুলে দৃঢ়তা নেদেখুৱালে ভাৰতৰ অৱস্থা আৰু বেয়া হ’লহেঁতেন।

বক্সিং ডে’ টেষ্ট সদায় ৰাহুলৰ বাবে স্মৰণীয়। ঠিক দুবছৰ পূৰ্বে বক্সিং ডে’ টেষ্টত এই চেঞ্চুৰিয়ানতে ৰাহুলে এটা দৃষ্টিনন্দন শতক অৰ্জন কৰিছিল। এইবাৰো তেওঁ ঠিক একে কামেই কৰিলে। প্ৰথম দিনাই ৭০ ৰানত অপৰাজিত হৈ থকাৰ পাছত তেওঁ ১৩৭ বলত ১০১ ৰান সংগ্ৰহ কৰি ভাৰতক ২৪৫ ৰানৰ সন্মানজনক স্ক’ৰলৈ লৈ যায়।

লগতে পঢ়কঃ ‘MPhil স্বীকৃতিপ্ৰাপ্ত ডিগ্ৰী নহয়’, বহু বিশ্ববিদ্যালয়ত কোৰ্চ অফাৰৰ মাজতে স্পষ্ট কৰি দিলে UGCয়ে

শচীন তেণ্ডুলকাৰ আৰু অজিংক্যা ৰাহানেৰ পিছত বক্সিং ডে’ টেষ্টত দুটা শতক অৰ্জন কৰা তেওঁ তৃতীয়জন ভাৰতীয় ক্ৰিকেটাৰ হিচাপে পৰিগণিত হয়। ইয়াৰ উপৰিও তেওঁ বিদেশত বক্সিং ডে’ টেষ্টত শতক অৰ্জন কৰা প্ৰথমজন ভাৰতীয় উইকেটকীপাৰ হিচাপে পৰিগণিত হয়।

বক্সিং ডে’ টেষ্টত ভাৰতৰ হৈ শতৰাণকাৰীৰ তালিকা:

১. দিলীপ ভেংছাৰকাৰ (১৯৮৮)

২. কপিল দেৱ (১৯৯২)

৩. মহম্মদ আজহাৰুদ্দিন (১৯৯৮)

৪. শচীন তেণ্ডুলকাৰ (১৯৯৮)

৫. শচীন তেণ্ডুলকাৰ (১৯৯৯)

৬. বীৰেন্দ্ৰ সেহৱাগ (২০০৩)

৭. বিৰাট কোহলী (২০১৪)

৮. অজিংক্যা ৰাহানে (২০১৪)

৯. চেতেশ্বৰ পূজাৰা (২০১৮)

১০. অজিংক্যা ৰাহানে (২০২০)

১১. লোকেশ ৰাহুল (২০২১)

১২. লোকেশ ৰাহুল (২০২৩)

ইয়াৰ পূৰ্বে এছিয়াৰ বাহিৰত বিদেশত টেষ্ট ফৰ্মেটত শতক অৰ্জন কৰিছিল মাত্ৰ চাৰিজন ভাৰতীয় উইকেট কীপাৰ বেটছমেনে। সেইদৰে, দক্ষিণ আফ্ৰিকাৰ মাটিত শতক অৰ্জন কৰিব পাৰিছিল কেৱল ঋষভ পন্থে। এই সন্মান মহেন্দ্ৰ সিং ধোনিৰ দৰে তাৰকাৰ নামতো নাছিল। কিন্তু ৰাহুলৰ অনবদ্য শতকে এই মহান তালিকাত স্থান অৰ্জন কৰিলে। উল্লেখ্য যে মহেন্দ্ৰ সিং ধোনীয়ে পাকিস্তানৰ বিৰুদ্ধে উইকেটকীপাৰ বেটছমেন হিচাপে শতক অৰ্জন কৰিছিল।

Centurion at Centurion once again! 🫡#KLRahul, TAKE A BOW!#TeamIndia's new keeper-batter rises to the occasion & brings up a memorable ton under tough circumstances.

His success mantra – Always #Believe!

Tune in to #SAvIND 1st Test
LIVE NOW | Star Sports Network pic.twitter.com/tYoDZNNJsV

— Star Sports (@StarSportsIndia) December 27, 2023

ভাৰতীয় উইকেটকীপাৰ বেটছমেনৰ মাজত এছিয়াৰ বাহিৰত টেষ্ট শতক:

১. বিজয় মঞ্জৰেকাৰ – ৱেষ্ট ইণ্ডিজ, ১৯৫৩

২. অজয় ৰাত্ৰা – ৱেষ্ট ইণ্ডিজ, ২০০২

৩. ঋদ্ধিমান সাহা – ৱেষ্ট ইণ্ডিজ, ২০১৬

৪. ঋষভ পন্থ – ইংলেণ্ড, ২০১৮

৫. ঋষভ  পন্থ – অষ্ট্ৰেলিয়া, ২০১৮

৬. ঋষভ পন্থ – দক্ষিণ আফ্ৰিকা, ২০২১

৭. ঋষভ পন্থ – ইংলেণ্ড, ২০২২

৮. লোকেশ ৰাহুল – দক্ষিণ আফ্ৰিকা, ২০২৩