দিল্লীত হ’ব পৃথক কমতাপুৰৰ চূড়ান্ত সিদ্ধান্ত! ম্যানমাৰৰ জংঘলৰ পৰা ওলাই আহিল জীৱন সিংহ
বহু প্ৰতীক্ষা আৰু বিতৰ্কৰ মাজতে ম্যানমাৰ জেএইচকিউ ৰ পৰা নতুন দিল্লীলৈ কেন্দ্ৰীয় চৰকাৰৰে আলোচনাৰ অৰ্থে কে এল অ’ ৰ অধ্যক্ষ জীৱন সিংহৰ নেতৃত্বত এটা বৃহৎ দল ওলাই আহিছে। জীৱন সিংহৰ নেতৃত্বত ১২জনীয়া দলটো আজি নাগালেণ্ডত উপস্থিত হৈছে আৰু কাইলৈ নতুন দিল্লীলৈ উৰা মাৰিব।
প্ৰধানমন্ত্ৰী নৰেন্দ্ৰ মোদী নেতৃত্বাধীন কেন্দ্ৰীয় চৰকাৰৰ সৈতে দ্বিপাক্ষিক আলোচনাৰ বাবে নতুন দিল্লীলৈ গমনৰ অৰ্থে “কমতাপুৰ লিবাৰেচন অফ অৰ্গনাইজেচন” চমুকৈ কে এল অ’ নামৰ বিদ্ৰোহী উগ্ৰপন্থী সংগঠনটোৰ অধ্যক্ষ জীৱন সিংহৰ নেতৃত্বত এটা দল ম্যানমাৰৰ ঘন বনাঞ্চলৰ পৰা ওলাই আহিছে।
প্ৰাপ্ত তথ্যমতে কালি উক্ত আলোচনা প্ৰসংগৰ মূল মধ্যস্থতাকাৰী দিলীপ নাৰায়ণ দেৱৰ সৈতে কে এল অ’ৰ অধ্যক্ষ জীৱন সিংহৰ আলোচনাৰ পিছতেই নতুন দিল্লীলৈ আগমনৰ যাত্ৰা আৰম্ভ হয়।
ইতিমধ্যে কে এল অ’ৰ অধ্যক্ষ জীৱন সিংহৰ সৈতে ১২জনীয়া এক দল ম্যানমাৰৰ ঘন বনাঞ্চলৰ মাজত থকা জে এইচ কিউ অৰ্থাৎ সাধাৰণ মূল কেম্পৰ পৰা আহি নাগালেণ্ডৰ এটা অংশত আহি উপস্থিত হৈছে।
জানিব পৰা মতে নাগালেণ্ডৰ পৰা আৰু কিছু দূৰ আহি প্ৰধানমন্ত্ৰী নৰেন্দ্ৰ মোদী আৰু কেন্দ্ৰীয় গৃহমন্ত্ৰী অমিত শ্বাহৰ নেতৃত্বত কেন্দ্ৰীয় চৰকাৰৰ সৈতে আলোচনাৰ বাবে কেন্দ্ৰীয় গৃহ মন্ত্ৰণালয়ৰ সম্পূৰ্ণ তত্বাৱধানত নতুন দিল্লীলৈ উৰা মাৰিব।