এগৰাকী ভাল মাতৃ হোৱাটোৱে শিশুৰ ভৱিষ্যত গঢ় দিয়াত গুৰুত্বপূৰ্ণ ভূমিকা পালন কৰে। এগৰাকী ভাল মাতৃ হোৱাটোও প্ৰতিগৰাকী নাৰীৰ কৰ্তব্য। শিশুৰ মানসিক স্বাস্থ্য বজাই ৰাখিবলৈ পিতৃ-মাতৃ দুয়োজনেই উপযুক্ত ব্যক্তি হোৱাটো প্ৰয়োজন। এই সন্দৰ্ভত কোনো মতানৈক্য নাই।
কিন্তু এগৰাকী মাতৃৰ ওপৰত সন্তানৰ প্ৰভাৱ অধিক থাকে। ইয়াত আদৰ্শ মাতৃৰ থাকিবলগীয়া কেইটামান গুণৰ কথা কবলৈ লোৱা হৈছে যিবোৰ আচলতে পিতৃৰ ক্ষেত্ৰতো প্ৰযোজ্য। যদি আপুনি এগৰাকী আদৰ্শ মাতৃ হ’ব বিচাৰে তেন্তে আপোনাৰ কিছুমান বিশেষ গুণ থাকিব লাগিব। এই পাঁচটা গুণৰ বিষয়ে জানি লওক।
ধৈৰ্যশীলতা:
অভিভাৱকসকলে ধৈৰ্য্যশীল হোৱাটো জৰুৰী। বিশেষকৈ শিশুৰ লগত অধিক সময় কটাবলৈ মাতৃৰ ধৈৰ্য্য শিশুৰ বিকাশৰ বাবে প্ৰয়োজনীয়। শিশুক তেওঁলোকৰ ভুল দেখুৱাবলৈ আৰু বাৰে বাৰে তেওঁলোকৰ প্ৰশ্নৰ উত্তৰ দিবলৈ মাতৃৰ ধৈৰ্য্য অতি প্ৰয়োজনীয়। শিশুসকল সদায় জেদী হৈ থাকিব। কোৱা কথা শুনাটো তেওঁলোকৰ অভিধানতে নাই। এনে পৰিস্থিতিত এগৰাকী মাতৃ ধৈৰ্য্যশীল হোৱাটো এক গুৰুত্বপূৰ্ণ গুণ হিচাপে গণ্য কৰা হয়।
মৰম আৰু মমতা:
শিশুৰ মৌলিক প্ৰয়োজন হ’ল মৰম আৰু মমতা। শিশুৰ সুখী মানসিকতাৰ বাবে এগৰাকী মাতৃৰ মাজত এই দুটা গুণ অপৰিহাৰ্য। ইয়াৰ ফলত তেওঁলোকৰ আত্মবিশ্বাস বৃদ্ধি পায়। এগৰাকী ভাল মাতৃয়ে সন্তানক মৰম আৰু মমতাৰে লালন-পালন কৰে।
জ্ঞান:
শিশুৰ প্ৰয়োজনীয়তা তেওঁলোকৰ আচৰণৰ দ্বাৰাই বুজিব পৰা জ্ঞান মাতৃসকলৰ থাকিব লাগে। এই জ্ঞান লাভ কৰিবলৈ প্ৰতিগৰাকী মাতৃয়ে সন্তানক বুজিবলৈ বুদ্ধিমত্তাৰ ব্যৱহাৰ কৰিব লাগিব। তেওঁলোকৰ সমস্যাবোৰ বুজি পোৱা আৰু সমাধান কৰাটো মাতৃৰ দায়িত্ব।
ইতিবাচক চিন্তা:
ইতিবাচক চিন্তাধাৰাৰ মাতৃ শিশুৰ স্বাস্থ্যৰ বাবে অতি উপকাৰী। ইতিবাচক চিন্তা প্ৰতিগৰাকী মাতৃৰ বাবে অপৰিহাৰ্য। শিশুৰ মাজত ইতিবাচক চিন্তাধাৰা গঢ়ি তোলাটো প্ৰয়োজনীয়। পৰিস্থিতি যিমানেই বেয়া নহওক কিয়, শিশুৱে হাৰ নমনা গুণ মাতৃৰ পৰা লাভ কৰে।
আত্মত্যাগ:
সন্তানৰ বাবে নিজকে উৎসৰ্গ কৰিবলৈ সাজু হোৱাটো মাতৃৰ বাবে জৰুৰী। শিশুটিৰ প্ৰয়োজনীয়তা পূৰণৰ বাবে ১০০% পৰিশ্ৰম দিবলৈ সাজু থাকিব লাগিব। মনত ৰখা উচিত যে সন্তানক ভাল শিক্ষা দিয়াটো পিতৃ-মাতৃৰ কৰ্তব্য। এগৰাকী ভাল মাতৃয়েহে এটা ভাল সন্তানক গঢ়ি তুলিব পাৰে।
