আপোনাৰ আটোমটোকাৰিকৈ ৰখা ঘৰখনত নিগনি থাকিলে কেনেকুৱা লাগে? নিগনিৰ উপদ্ৰৱমুক্ত ঘৰ অতি কম। নিগনিয়ে ঘৰত বীজাণু আৰু মলি বিয়পাই আপোনাৰ মূল্যৱান সামগ্ৰী, চোফা, কাপোৰ, জোতা নষ্ট কৰি পেলায়। বহুতে নিগনি ধৰিবলৈ নিগনিৰ ফান্দ ব্যৱহাৰ কৰে। তথাপি ক্ৰমাৎ বৃদ্ধি পোৱা এন্দুৰৰ সংখ্যা নিয়ন্ত্ৰণ কৰিব পৰা নাযায়।
যদি আপুনিও আপোনাৰ ঘৰতো এই ধৰণৰ সমস্যাৰ সন্মুখীন হৈছে, তেন্তে আপোনাৰ ঘৰৰ পৰা নিগনিৰ পৰা মুক্তি পাবলৈ কিছুমান ভাল টিপছ দিয়া হৈছে। কেৱল এই টিপছবোৰ মানি চলিলেই আপোনাৰ ঘৰৰ পৰা নিগনি চিৰদিনৰ বাবে নোহোৱা হৈ যাব।
ঘৰৰ পৰা নিগনি দূৰ কৰাৰ কিছু উপায়:
১. জালুকৰ তেল
আপুনি আপোনাৰ শোৱা কোঠাত বা পাকঘৰত নিগনি দূৰ কৰিবলৈ জালুকৰ (গোলমৰিচ) তেল ব্যৱহাৰ কৰিব পাৰে। কাৰণ জালুকৰ প্ৰচণ্ড গোন্ধটো নিগনি-এন্দুৰে ভাল নাপায়। এটা স্প্ৰে বটলত পানী ভৰাই তাত ১০ টোপাল জালুকৰ তেল দি নিগনি থকা ঠাইত ভালদৰে স্প্ৰে কৰিব লাগে। এনে কৰিলে ইয়াৰ গোন্ধত নিগনিয়ে সেই ঠাই এৰি পলাব।
২. ফিটকিৰি
নিগনিয়ে ফিটকিৰিৰ গোন্ধ ভাল নাপায়। গতিকে ফিটকিৰি ভালদৰে গুড়ি কৰি নিগনি থকা ঠাইত ছটিয়াই দিব। ফিটকিৰিৰ গোন্ধ পালেই নিগনি আপোনাৰ ঘৰৰ পৰা পলাব। যদি আপোনাৰ ফিটকিৰি নাই তেন্তে কৰ্পূৰো ব্যৱহাৰ কৰিব পাৰে। কাৰণ নিগনিয়ে কৰ্পূৰৰ গোন্ধ ভাল নাপায়।
৩. শুকান জলকীয়াৰ গুড়ি
সকলোৰে পাকঘৰত এইটো থাকে। নিগনি থকা ঠাইত যদি শুকান জলকীয়াৰ গুড়ি ছটিয়াই দিয়া হয় তেন্তে নিগনিবোৰে ইয়াৰ প্ৰবল গোন্ধৰ বাবে ঘৰৰ পৰা পলাব।
৪. নহৰু
প্ৰতিখন ঘৰতে নহৰু থাকে। ঘৰৰ পৰা নিগনি কৰিবলৈ নহৰু ব্যৱহাৰ কৰিব পাৰি। কাৰণ নিগনিয়ে নহৰুৰ গোন্ধ ভাল নাপায়। নহৰুখিনি ভালদৰে থেতেলিয়াই পানীৰ লগত মিহলাই নিগনি থকা ঠাইত পানী ছটিয়াই দিব। তাৰ গোন্ধ পাই নিগনিবোৰ আপোনাৰ ঘৰৰ পৰা পলাই যাব।
৫. পিঁয়াজ
ৰন্ধা-বঢ়াত পিঁয়াজৰ বহুল ব্যৱহাৰ হয়। ঘৰৰ পৰা নিগনি খেদিবলৈ পিঁয়াজ এক উত্তম অস্ত্ৰ। আচলতে পিঁয়াজৰ গোন্ধে এন্দুৰক বিৰক্ত কৰে। গতিকে পিঁয়াজখিনি টুকুৰা টুকুৰকৈ কাটি নিগনি থকা ঠাইত ৰাখিলে পিয়াঁজৰ গোন্ধত সিঁহতে সেই ঠাই এৰি পলাব।
৬. লং তেল
লঙৰ তেল ব্যৱহাৰ কৰি সহজেই নিগনিক ঘৰৰ পৰা খেদি পঠিয়াব পাৰি। কাপোৰ এখনত লং তেল ছটিয়াই দিব। তাৰ পিছত সেইখন নিগনিবোৰ লুকাই থকা ঠাইত ৰাখক। ইয়াৰ গোন্ধত নিগনিবোৰ আপোনাৰ ঘৰৰ পৰা পলাই পত্ৰং দিব।
