দুদিনতে নাইকিয়া হ’ব ভৰি ফটাৰ সমস্যা, অনুসৰণ কৰক এই সহজ পদ্ধতি; জানি লওক কি কৰিব
বেছিভাগ মানুহেই শীতকালত ভৰি ফটা সমস্যাত আক্ৰান্ত হয়। এই সময়ত ভৰিত যিমানেই ক্ৰীম লগাওক কিয় ভৰি ফাটি যোৱাৰ সমস্যা ইমান সহজে আঁতৰি নাযায়। তাৰবাবে আগবঢ়োৱা হ’ল বিশেষ টিপচ্। ভৰি ফাটি যোৱাৰ সমস্যা ২ দিনতে নাইকিয়া হৈ যাব, এই সহজ পদ্ধতি অনুসৰণ কৰক, কি কৰিব লাগে জানি লওক।
প্ৰথমে ভৰি দুখন পৰিষ্কাৰ কৰক। নিয়মিতভাৱে সদায় ভৰি পৰিষ্কাৰ কৰক। এটা পাত্ৰত পানী লৈ লওক। তাত চেম্পু কেইটোপালমান দিব। এতিয়া ভৰি দুখন পিউমিচ ষ্টোনেৰে ধুই লওক।
দৈনিক এটাকৈ পেক লগাব পাৰে। আপুনি ঘৰতে বনোৱা পেক বনাই লগাব পাৰে বা বজাৰত উপলব্ধ যিকোনো পেক প্ৰয়োগ কৰিব পাৰে। ২০ মিনিট ৰাখি ধুই পেলাওক।
কলৰ পেক লগাব পাৰে। কলখিনি ভালদৰে ফেনেকি লওক। তাত মৌ দিব। সেইখিনি ভৰিত লগাওক। শুকাই গ’লে ঘঁহি ধুই দিব। বা ওটছৰ পেক লগাওক। ওটচ পিহি গাখীৰৰ লগত মিহলাই লওক। ডাঠ পেষ্ট বনাই ভৰিত লগাওক।
হালধীৰ পেকও লগাব পাৰে। হালধী বটি লওক। তাত দৈ মিহলাই ডাঠ পেষ্ট বনাই ভৰিত লগাব।
তাৰপিছত ভৰিত মইশ্ব’ৰাইজাৰ লগাওক। প্ৰতি নিশা মইশ্ব’ৰাইজাৰ লগাই শুবলৈ যাওক।
প্ৰতিদিনে মোজা পিন্ধি ঘৰৰ পৰা ওলাই যাওক। যিমান পাৰি ভৰিত ধূলি কম লাগিবলৈ দিয়ক। ইয়াৰ ফলত ভৰি ফাটি যোৱাৰ সমস্যা হ্ৰাস পাব।
সেইদৰে ঘৰৰ ভিতৰত চেণ্ডেল পিন্ধি থাকক। ভৰি দুখন ভালে থাকিব। এই পদ্ধতি অনুসৰণ কৰিলে ভৰি ফাটি যোৱা সমস্যা ২ দিনৰ ভিতৰতে নাইকিয়া হৈ যাব। আপুনি সোনকালে উপকাৰ পাব।