বিৰাট কোহলীৰ শৰীৰত আছে ১১ টা টেটু : প্ৰত্যেকটোৰে আছে বিশেষ অৰ্থ; জানো আহক
সকলো চেলিব্ৰেটিৰেই থাকে নিজা নিজা ফেশ্যন। সেই ফেশ্যন অনুসৰণ কৰে তেওঁলোকৰ অনুৰাগীসকলে। বহু দৰ্শকে তেওঁলোকৰ ষ্টাইল আৰু গ্ৰুমিংৰ বিষয়ে জানি তেওঁলোকৰ দৰে সাজ-পোছাক পৰিধান কৰিব বিচাৰে।
তেনে এজন জনপ্ৰিয় চেলিব্ৰেটি হৈছে ক্ৰিকেটাৰ বিৰাট কোহলী। জনপ্ৰিয়তাৰ ক্ষেত্ৰতেই হওক বা ধন-সম্পত্তিৰ ক্ষেত্ৰতেই সকলোতে তেওঁ আন বহু তাৰকাতকৈ আগবাঢ়ি আছে।
বিৰাট কোহলীৰ শৰীৰত আছে ১১ টা টেটু। এই টেটুবোৰে আকৰ্ষণ কৰে অনুৰাগীসকলক। কিন্তু এই টেটুবোৰৰ প্ৰত্যেকটো টেটুৰে আছে নিৰ্দিষ্ট অৰ্থ।
এই প্ৰতিবেদনত এই বিভিন্ন টেটুৰ অৰ্থৰ বিষয়ে আলোচনা কৰা হৈছে। এই টেটুত আছে ‘গডছ আই’ টেটু। যিয়ে দেখুৱাইছে যে ঈশ্বৰ সদায় কোহলীৰ লগত থাকে। লগতে কোহলীৰ এখন হাতত হিন্দীত লিখা আছে মাক সৰোজ আৰু দেউতাক প্ৰেমৰ নাম। মাক-দেউতাকৰ প্ৰতি ইয়াত মৰম আৰু শ্ৰদ্ধা প্ৰকাশ পাইছে।
তেওঁ নিজৰ খঙ আৰু আক্ৰমণাত্মক গুণটোক দমন কৰিব বিচাৰে। এই কাৰণতে তেওঁৰ হাতত ‘ভগৱান শিৱ’ৰ টেটু আছে।
মনৰ শান্তিৰ বাবে ‘The Monastery’ৰ টেটুও আছে কোহলীৰ হাতত।
২০১১ চনত ৱেষ্ট ইণ্ডিজৰ কিংষ্টনত অনুষ্ঠিত টেষ্ট মেচৰ জৰিয়তে আন্তঃৰাষ্ট্ৰীয় পৰ্যায়ত অভিষেক ঘটিছিল কোহলীৰ। যাৰ বাবে তেওঁ শৰীৰত ‘টেষ্ট কেপ নম্বৰ’টো টেটু কৰিছে।
আনহাতে ২০০৮ চনত বিৰাট কোহলীয়ে এদিনীয়াত অভিষেক ঘটায়। সেই মেচৰ পৰা কেপ নম্বৰটো তেওঁ টেটু কৰি লৈছিল।
আগ্ৰাসনৰ প্ৰতীক ‘জনজাতীয় কলা’ৰ টেটু। ইফালে বিৰাটৰ ৰাশি কৰ্কট ৰাশি। সেই বাবে তেওঁ বৃচ্ছিকৰ ছবি টেটু কৰাইছে।
তেওঁৰ বাহুত থকা ‘জাপানীজ চামুৰাই’ টেটুটোও অতি বিখ্যাত। এই টেটু সততা, বিশ্বাস, সাহসৰ প্ৰতীক।
হিন্দু ধৰ্মৰ পবিত্ৰ শব্দ ‘ওম’ক সমগ্ৰ বিশ্বৰ মানুহে ঐশ্বৰিক শক্তিৰ অংগ বুলি গণ্য কৰে। সেয়ে ‘ওম’ৰ টেটুও কৰি লৈছে ক্ৰিকেটাৰগৰাকীয়ে।