গৃহমন্ত্ৰী অমিত শ্বাহৰ অসম ভ্ৰমণৰ ১৪-১৬ মাৰ্চ, ২০২৫ আগমুহুৰ্তত কোচ-ৰাজবংশী সম্প্ৰদায়ে পুনৰ তেওঁলোকৰ অনুসূচিত জনজাতি (ST) মৰ্যাদাৰ দাবী উত্থাপন কৰিছে। কোচ-ৰাজবংশী ছয় জনগোষ্ঠীৰ ভিতৰত এটা। আদিবাসী, আহোম, চুতীয়া, মটক, আৰু মৰাণসহ তেওঁলোকে দশকজুৰি অনুসূচিত জনজাতিৰ মৰ্যাদাৰ বাবে দাবী কৰি আহিছে।
২০২৫ চনৰ ৮ মাৰ্চত কোচ-ৰাজবংশী সম্প্ৰদায়ৰ নেতাসকলে অসম বিজেপি সভাপতিক ১৫ দফীয়া দাবীপত্ৰ জমা দিয়ে, য’ত অনুসূচিত জনজাতি মৰ্যাদা, ঐতিহাসিক কামতাপুৰ ৰাজ্য পুনৰ স্থাপন, আৰু সশস্ত্ৰ বাহিনীত চিলাৰাই ৰেজিমেণ্ট গঠনৰ দাবী উল্লেখ কৰা হৈছে। তেওঁলোকে ২০২৬ চনৰ বিধানসভা নিৰ্বাচনত তেওঁলোকৰ দাবী উপেক্ষা কৰিলে বিক্ষোভ কাৰ্যসূচী গ্ৰহণ কৰিব বুলি সতৰ্ক কৰি দিছে।
উল্লেখ্য যে বৰ্তমান এই সম্প্ৰদায়সমূহে অন্যান্য পিছপৰা শ্ৰেণী (OBC) মৰ্যাদা উপভোগ কৰি আছি, তেওঁলোকৰ বাবে অসমত ২৭ শতাংশ সংৰক্ষণ আছে। অনুসূচিত জনজাতিৰ বাবে ১০-১৫ শতাংশ সংৰক্ষণৰ ব্যস্থা আছে।
কোচ-ৰাজবংশীসকলে যুক্তি দিয়ে যে অনুসূচিত জনজাতিৰ মৰ্যাদাই চাকৰি, শিক্ষা, আৰু ভূমিৰ অধিকাৰত সুবিধা প্ৰদান কৰিব। কিন্তু বড়ো, কাৰ্বি, মিছিং আদি অনুসূচিত জনজাতিয়ে ইয়াৰ বিৰোধিতা কৰিছে, বৃহৎ আৰু তুলনাত্মক ভাবে উন্নত সম্প্ৰদায়সমূহে অনুসূচিত জনজাতি মৰ্যাদা পোৱাৰ পিছত সৰু জনজাতিসমূহ পিছপৰি যাব, চাকৰি আৰু শিক্ষাৰ সুবিধা হেৰুৱাব।
অনুসূচিত জনজাতিৰ মৰ্যাদাৰ দাবীকলৈ প্ৰায় ৩০ বছৰ ধৰি বিতৰ্ক চলি আহিছে। বিজেপিয়ে ২০১৪ চনৰ সাধাৰণ নিৰ্বাচনৰ আগতে অনুসূচিত জনজাতিৰ মৰ্যাদা দিয়াৰ প্ৰতিশ্ৰুতি দিছিল, কিন্তু প্ৰতিশ্ৰুতি পূৰণ কৰা নাই।
উল্লেখ্য যে ১৯৯৬ চনত কোচ-ৰাজবংশীসকলক অস্থায়ীভাৱে অনুসূচিত জনজাতি মৰ্যাদা দিয়া হৈছিল, কিন্তু তেওঁলোকে সংৰক্ষিত চিকিৎসা আৰু অভিযান্ত্ৰিক আসনৰ এক বৃহৎ অংশ দখল কৰাৰ পিছত ইয়াক প্ৰত্যাহাৰ কৰা হৈছিল, যাৰ ফলত বিক্ষোভৰ সৃষ্টি হৈছিল। ২০১১ চনত এখন চৰকাৰী কমিটিয়েও বৰ্তমানৰ অনুসূচিত জনজাতিসমূহৰ ওপৰত পৰা প্ৰভাৱৰ বিষয়ে উদ্বেগ প্ৰকাশ কৰিছে।
