শীৰ্ষত কোনখন চহৰ? প্ৰকাশ পালে ভাৰতৰ সৰ্বাধিক যান-জঁট থকা চহৰৰ তালিকা

ভাৰতৰ আটাইতকৈ জনবহুল চহৰৰ কথা আহিলে প্ৰথমে মনলৈ আহে বাংগালুৰুৰ নাম। কিন্তু কলকাতাই বাংগালুৰুকো চেৰ পেলাইছে! এতিয়া দেশৰ আটাইতকৈ ভয়াৱহ যান-জঁটৰ সৃষ্টি হৈছে কলকাতা। এই তথ্য প্ৰযুক্তি বিশেষজ্ঞ টমটমে প্ৰদান কৰিছে। কলকাতাৰ বাহিৰে আন কোন কোন চহৰ এই তালিকাত আছে?

২০২৪ চনৰ তালিকা অনুসৰি কলকাতাত সৰ্বাধিক যান-জঁটৰ সৃষ্টি হৈছে। টমটমৰ মতে, যোৱা বছৰ কলকাতাত ১০ কিলোমিটাৰ যাত্ৰা কৰিবলৈ গড়ে ৩৪ মিনিট ৩৩ ছেকেণ্ড সময় লাগিছিল। বেংগালুৰুত একে দূৰত্ব অতিক্ৰম কৰিবলৈ সময় লাগিছিল ৩৪ মিনিট ১০ ছেকেণ্ড।

কলকাতা আৰু বাংগালুৰুৰ পাছতে এই তালিকাত আছে পুনে। যিখন চহৰত ১০ কিলোমিটাৰ দূৰত্ব অতিক্ৰম কৰিবলৈ গড়ে ৩৩ মিনিট ২২ ছেকেণ্ড সময় লাগিছিল। তাৰ পাছত হায়দৰাবাদ, চেন্নাই, মুম্বাই, আহমেদাবাদ, চুৰাট, জয়পুৰ, নতুন দিল্লী। তথ্য অনুসৰি হায়দৰাবাদত ১০ কিলোমিটাৰ, চেন্নাইত ৩০ মিনিট, মুম্বাইত ২৯ মিনিট, আহমেদাবাদত ২৮ মিনিট, চুৰাটত ২৭ মিনিট, জয়পুৰত ২৫ মিনিট আৰু নতুন দিল্লীত ২৩ মিনিট সময় লাগিছিল।

এই যান-জঁটৰ সমস্যাৰ বাবে কলম্বিয়াৰ বাৰাংকুইলা বিশ্বৰ তালিকাৰ শীৰ্ষত আছে। এই চহৰত ১০ কিলোমিটাৰ যাত্ৰা কৰিবলৈ গড়ে ৩৬ মিনিট সময় লাগিছিল। আৰু কলকাতা আৰু বেংগালুৰু ক্ৰমে দ্বিতীয় আৰু তিনি নম্বৰত আছে।