সৰুৰে পৰা দেউতাকৰ আয়ুৰ্বেদিক চিকিৎসা বিজ্ঞানৰ প্ৰতি আকৃষ্ট হৈ অৱশেষত নিজেই এই চিকিৎসা বিজ্ঞানৰ জৰিয়তে বহু ৰোগীকে সুস্থ কৰিবলৈ সক্ষম হোৱা এগৰাকী প্ৰচাৰ বিমুখ মহিলা।
১৯৮২ চনৰে পৰা তেওঁ আয়ুৰ্বেদিক চিকিৎসাৰ সৈতে জৰিত হৈ শতাধিক ৰোগীৰ জটিল ৰোগ নিৰাময় কৰিবলৈ সক্ষম হৈছে। তেওঁৰ নাম প্ৰীতিজ্যোতি মহন্ত।
নগাঁৱৰ পৰা পশ্চিমত শ’লগুৰি সত্ৰৰ কুশচন্দ্ৰ দেৱ সত্ৰাধিকাৰৰ জীয়ৰী প্ৰীতিজ্যোতি মহন্ত বৰ্তমান সমাজ সেৱক কুসুম কুমাৰ মহন্তৰ পত্নী।
উল্লেখযোগ্য যে, তেওঁ উৰিষ্যাৰ পৰা আয়ুৰ্বেদিক চিকিৎসা বিজ্ঞানৰ এক পাঠ্যক্ৰম গ্ৰহণ কৰিছিল।
তাৎপৰ্য্যপূৰ্ণভাৱে, তেওঁৰ দ্বাৰা চিকিৎসা কৰি বৰ্তমানলৈকে ৯০০ নিঃসন্তান দম্পতিয়ে সন্তান লাভ কৰিবলৈ সক্ষম হোৱাৰ উপৰিও ৫০ গৰাকী মহিলাৰ গৰ্ভত হোৱা কেন্সাৰ প্ৰতিৰোধ কৰিবলৈ সক্ষম হৈছে।
দীৰ্ঘদিন ধৰি নিঃসন্তান হৈ থকা দম্পতিয়ে এবছৰ চিকিৎসা কৰিলেই সন্তান লাভ কৰিবলৈ সক্ষম হ’ব তথা প্ৰথম অৱস্থাতে ধৰা পৰিলে ছয়মাহ চিকিৎসা কৰিলেই মাতৃত্ব তথা পিতৃত্বৰ গৌৰৱ লাভ কৰিবলৈ সক্ষম হ’ব।
ৰাজ্যৰ বিভিন্ন প্ৰান্তৰ পৰা যেনে তিনিচুকীয়া, ডিব্ৰুগড়, মাজুলী, শদিয়া, লখিমপুৰ, গুৱাহাটী, নগাওঁ, শদিয়াৰ পৰাও চিকিৎসা গ্ৰহণ কৰিবৰ বাবে প্ৰীতিজ্যোতি মহন্তৰ ওচৰত ৰোগীসকল আহে।
আনকি ৰাজ্যৰ বাহিৰত মুম্বাই, দিল্লী, কলকাতাকে ধৰি বহুকেইখন ৰাজ্যৰ পৰা চিকিৎসা গ্ৰহণ কৰিবলৈ মহন্তৰ ওচৰলৈ ৰোগী আহে। তেওঁৰ তালৈ বৰ্তমানলৈকে অহা নিঃসন্তান সকলো দম্পতিয়ে সন্তান লাভ কৰিবলৈ সক্ষম হৈছে।
তাৎপৰ্য্যপূৰ্ণভাৱে, আমেৰিকা আৰু আৰবতো মহন্তৰ চিকিৎসাৰ পাছতেই নিঃসন্তান দম্পতিয়ে সন্তান লাভ কৰিবলৈ সক্ষম হৈছে বুলি মহন্তই আমাক জানিবলৈ দিয়ে।
তদুপৰি, শ্বাস-প্ৰশাসজনিত, মধুমেহ, লিভাৰৰ বেমাৰ, গাৰ খজুৱতি ইত্যাদিৰো চিকিৎসা কৰে মহন্তই।
উল্লেখযোগ্য যে, মহন্তই ঘৰুৱা কাম-কাজ আৰু কাৰ্য্যালয়ৰ কাম-কাজৰ লগতে আয়ুৰ্বেদিক চিকিৎসাৰ জৰিয়তে ৰোগীসকলক সেৱা আগবঢ়াই আহিছে।
প্ৰীতিজ্যোতি মহন্তৰ যোগাযোগৰ ঠিকনা: ভেটাপাৰা, গুৱাহাটী, ৰাধাচূড়া পথ, গৃহ নং ১০, মোবাইল নং : ৯৪৩৫১০৯৭৫৭।
