বেলেগৰ ইজ্জত লৈ আজি তেওঁ সাংসদ হৈছে, টকা-পইচা গোটাইছে। কিন্তু আজিলৈকে এদিনো মোৰ খবৰ লোৱা নাই। মোক লৈ তেওঁ সাংসদ হৈছে, বিধায়ক হৈছে এটা সময়ত। নিজৰ চিটটো বচাবলৈ মনে মনে বহি আছে , সুখ দুখৰ কথা বুজি নাপায়। আমি সংবিধানত থকা মতে ST বিচাৰিছো। এই প্ৰচণ্ড ক্ষোভ এগৰাকী ভূক্তভোগী মহিলাৰ।
সমগ্ৰ দেশ জোঁকাৰি যোৱা ২০০৭ চনৰ ২৪ নম্বেৱৰ দিনটোতে জনজাতিকৰণ দাবী কৰিব গৈ প্ৰাপ্য বিচাৰি গুৱাহাটীৰ বেলতলাত বিবস্ত্ৰা হৈ নিৰ্যাতনৰ সন্মুখীন হ’ব লগা হৈছিল লক্ষ্মী ওৰাং৷ বিশ্বৰ আগত লজ্জিত হ’ব লগা হৈছিল সমগ্ৰ দেশবাসী।
সেই তাৰিখৰ পৰাই এই দিনটো আদিবাসী অধিকাৰ দিৱস হিচাপে পালন কৰি অহা হৈছে আৰু এইবাৰো প্ৰায় ৫০০০ গচতকৈও অধিক বন্তি জ্বলাই জাতিৰ বাবে শ্বহীদ হোৱা সকললৈও শ্ৰদ্ধাঞ্জলী জ্ঞাপন কৰা হয় ৷
Also Read: Babu Bhaiya বিশ্বৰ কোটি কোটি অনুৰাগীৰ মৰম বুটলিবলৈ সক্ষম হোৱা বাবু ভাইয়া শিৱসাগৰৰ ৰাজপথত
কিন্তু এই অনুষ্ঠানতে ক্ষোভৰ বৰ্হিঃপ্ৰকাশ ঘটে ভূক্তভোগী লক্ষ্মী ওৰাঙৰ। বেলতলা কাণ্ডৰ সময়ছোৱাত বৰ্তমানৰ মুখ্যমন্ত্ৰী ড’ হিমন্ত বিশ্ব শৰ্মাৰ নয়নৰ মণি হিচাপে খ্যাত পল্লৱ লোচন দাসে লক্ষ্মী ওৰাঙৰ নাম লৈ ৰাজনৈতিক জীৱনৰ পাতনি মেলাৰ পিছত এতিয়া লক্ষ্মী ওৰাঙৰ খবৰ লবলৈ তেওঁৰ সময় নাই।
আনকি বুজি নাপায় চাহ শ্ৰমিক তথা আদিবাসী সকলৰ সুখ দুখৰ কথা বৰ্তমানৰ সাংসদ জনে। ছাত্ৰ সংগঠনক নেতৃত্ব দি লক্ষ্মী ওৰাঙৰ আলম লৈ ৰাজনৈতিক জীৱনৰ সোণালী দলিচাত খোজ দিয়া সাংসদ পল্লৱ লোচনে আজি পাহৰিলে লক্ষ্মী ওৰাঙৰ কথা,পাহৰিলে ন্যায় প্ৰদানৰ বাবে মাত দিবলৈ।
আদিবাসী সকলৰ বাবে মাত মাতিবলৈ গৈ সমগ্ৰ দেশ জোঁকাৰি যোৱা বেলতলা কাণ্ডৰ ১৪ টা বছৰ অতিক্ৰম কৰাৰ পিছতো ন্যায় নাপালে নিৰ্যাতিত হ’ব লগা লক্ষ্মী ওৰাঙে, কংগ্ৰেছ চৰকাৰে হওক অথবা বিজেপি চৰকাৰে হওক নিদিলে জনজাতিৰ কৰণৰ মৰ্যাদা।
Also Read: পুনৰ আৰম্ভ হ’ব ‘কা’ৰ বিৰুদ্ধে ৰাজপথত আন্দোলন;ঘোষণা লুৰীণজ্যোতি গগৈৰ
প্ৰতিবাদৰ কণ্ঠ বুজি পোৱা এসময়ৰ ছাত্ৰ নেতা আৰু বৰ্তমান তেজপুৰ লোকসভা সমষ্টিৰ সাংসদ পল্লৱ লোচন দাসে বুজি নাপায় এতিয়া প্ৰতিবাদী কণ্ঠ। মাত মতা নাই জনজাতিকৰণৰ বাবে, চাহ শ্ৰমিক সকলৰ বাবে বৃদ্ধি কৰিব লগা দিন হাজিৰাৰ বাবে। ফলত ক্ষোভিত হৈ পৰিছে লক্ষ্মী ওৰাং ৷ আৰু ক্ষোভৰ বৰ্হিঃপ্ৰকাশ ঘটাই এইদৰে তুলাধূনা দিয়ে বৰ্তমানৰ সাংসদ পল্লৱ লোচন দাসক ৷
