মুখ্যমন্ত্ৰী হিমন্ত বিশ্ব শৰ্মাই ৰাজ্যৰ বিভিন্ন প্ৰান্তত অবৈধ দখলকাৰী বুলি অভিহিত কৰা লোকসকলক লক্ষ্য কৰি বিভিন্ন ঠাইত উচ্ছেদ অভিযান আৰম্ভ কৰিছে। শেহতীয়াকৈ, অসম চৰকাৰে দুখন জিলাত বেদখলৰ পৰা ৪ হাজাৰ বিঘাতকৈ অধিক (৫৪০ হেক্টৰৰো অধিক) মাটি মুক্ত কৰাৰ বাবে সাজু হৈছে। এই অভিযানে প্ৰায় ২৫০০ পৰিয়ালক প্ৰভাৱিত কৰাৰ সম্ভাৱনা আছে।
অসমৰ ইতিহাসৰ সৰ্বকালৰ সৰ্ববৃহৎ উচ্ছেদ অভিযান, যি প্ৰায় ৩৫০ বিঘা ভূমিত ধুবুৰীৰ বিলাসীপাৰাৰ সন্তোষপুৰ, চিৰাকুটা, আৰু চাৰুৱাবাখৰা গাঁৱত অসম চৰকাৰৰ উচ্ছেদ অভিযান আৰম্ভ কৰা হৈছে।
জানিব পৰা মতে, প্ৰশাসনে বিলাসীপাৰাত ৩৫০০ বিঘা মাটিত থকা ২০০০ পৰিয়ালৰ ঘৰ বুলড’জাৰেৰে ভাঙি পেলোৱা হৈছে, যাৰ ফলত উচ্ছেদিতই ঘৰ এৰি যাব লগা হৈছে।
তাৰোপৰি, ছিপাঝাৰৰ গৰুখুটি, ধলপুৰতো প্ৰশাসনৰ উচ্ছেদ অভিযান চলে। এই অভিযানতো প্ৰায় ৬০০ পৰিয়ালক উচ্ছেদ কৰা হৈছে। প্ৰশাসনে এক হাজাৰ বিঘা ভূমি দখলমুক্ত কৰাৰ কাৰণে এই অভিযান চলাইছে। গৰুখুটিৰ দৰং জিলাৰ ৩নং ধলপুৰ ভেটি বজাৰৰ ৬০০টা পৰিয়ালৰ ৩৯৭টা পৰিয়ালক উচ্ছেদ কৰে।
শেহতীয়াকৈ, মুখ্যমন্ত্ৰী হিমন্ত বিশ্ব শৰ্মাই এই কথা প্ৰকাশ কৰে যে, এইবাৰ গোৱালপাৰাৰ পাইকান বনাঞ্চলতো চলিব উচ্ছেদ অভিযান। দেওবাৰে গুৱাহাটীত মুখ্যমন্ত্রীয়ে কয়, উচ্চ ন্যায়ালয়ৰ নিৰ্দেশমৰ্মে অহা ১০ জুলাইত পাইকান বনাঞ্চলত উচ্ছেদ অভিযান চলিব । ইফালে পাৱাৰ প্লাণ্টৰ বাবে ৮ জুলাইৰ পৰা চাপৰতো উচ্ছেদ অভিযান আৰম্ভ হ’ব।
যিসকল লোকৰ ম্যাদী পট্টাৰ মাটি আছিল তথা চৰকাৰে আৱণ্টন দিছিল তেওঁলোকক চৰকাৰী আইন অনুসৰি ক্ষতিপূৰণ দিয়াৰ ব্যৱস্থা কৰা হৈছে। এই এলাকাত এতিয়াও বহুত মানুহ আঁতৰি যোৱা নাই । চৰকাৰে উচ্ছেদ কৰাৰ আগতে ৰাইজক যাতে নিজে নিজে আঁতৰি যাবলৈ আহ্বান জনাইছে।
