আহিনৰ বানে সম্পূৰ্ণৰূপে নষ্ট কৰি গ’ল মাজুলীৰ সীমান্তৱৰ্তী লক্ষীমপুৰ জিলাৰ অন্তৰ্গত লুইত খাবলু অঞ্চলৰ ৩২ খন গাঁৱৰ মাটি মাহৰ খেতি ।
বিশেষকৈ চানং, কুলামুৱা, মৰলীয়া, বৰুণচুক, কামবং, হস্তিণাপুৰ, উত্তৰ ডাম্বুকিয়াল, ললিটি মৰাং, দুঘৰীয়া চেলেক, যোগীবাৰী, বৰবালি, কামৰেক, বৰালীমৰা, পাথৰিচুক আদি বিভিন্ন গাঁওসমূহ অধিক ক্ষতিগ্ৰস্ত হয়।
শেহতীয়া বানে কৃষিজীৱী লোকসকলৰ আশাৰ ফচল সম্পূৰ্ণ ৰূপে নষ্ট কৰি থৈ যোৱাত মূৰে কপালে হাত দিব লগা হৈছে কৃষক ৰাইজে।
মাটি মাহৰ খেতিৰ বাবে বিখ্যাত অঞ্চলটোত কৃষকসকলে কেইবা হাজাৰ হেক্টৰ ভূমিত এই খেতি কৰি ভাল উৎপাদনৰ ফল পাই আহিছে। কেজিত ৮০ টকাৰ পৰা ১০০ টকা দৰত বীজ কিনি অতি কষ্টৰে কৰা খেতি এনেদৰে নষ্ট হোৱাত ভাগি পৰিছে কৃষকসকল।
