নিয়মিত যৌন সম্পৰ্ক কৰিলে কি লাভ হয় জানো আহক

যৌন কাৰ্যকলাপ কেৱল প্ৰেমৰ পৰিভাষাই নহয়, ই নহয় মাথোঁ কামনা পূৰণৰ আহিলা। যৌন কাৰ্যকলাপৰ আছে আন এক উপকাৰ। মানসিক আৰু শাৰীৰিক স্বাস্থ্য সুস্থিৰ কৰি ৰাখে নিয়মিত যৌন কাৰ্যকলাপে।

নিয়মিত সুস্থ যৌন সম্ভোগ ব্যায়ামৰ পৰিপূৰক হ’ব পাৰে। গতিকে, নিয়মিতভাবে যৌন কাৰ্যকলাপ কৰিলে এজন প্ৰাপ্তঃবয়স্ক ব্যক্তি সুস্থ হৈ থাকিব পাৰে।

যৌন সম্পৰ্কৰ শাৰীৰিক উপকাৰিতাৰ বিষয়ে জানো আহক –

১. কেলৰি বাৰ্নিং : যৌন ক্ৰিয়া-কলাপৰ ফলত শৰীৰৰ কেলৰি নাশ হয়। কিন্তু সময় আৰু যৌন কাৰ্যকলাপৰ তীব্ৰতাৰ ওপৰত ভিত্তি কৰি ইয়াৰ পৰিমাণ বেলেগ বেলেগ হয়। গড়ে ৩০ মিনিটৰ যৌন সম্ভোগে ৮৫–১৫০ কেলৰি নাশ কৰিব পাৰে। যিটো লঘুৰ পৰা মধ্যমীয়া ব্যায়ামৰ সৈতে তুলনাযোগ্য।

২. হৃদযন্ত্ৰৰ স্বাস্থ্য : যৌন সম্ভোগে ই হৃদস্পন্দন বৃদ্ধি কৰিব পাৰে। ই লঘু এৰোবিক ব্যায়ামৰ দৰেই কাম কৰে। নিয়মিত যৌন কাৰ্য্যকলাপৰ ফলত হৃদযন্ত্ৰৰ স্বাস্থ্য উন্নত হোৱাৰ সম্পৰ্ক কিছুমান গৱেষণাত পোৱা গৈছে।

৩. পেশী শক্তিশালী : যৌন সম্ভোগে বিভিন্ন পেশীক শক্তিশালী কৰি তোলে। বিশেষকৈ পেট, উৰু, আৰু বাহু আদি অংগ সমূহৰ পেশী যৌন সম্ভোগৰ ফলত শক্তিশালী হয়।

৪. নমনীয়তা : যৌন ক্ৰিয়াৰ কিছুমান বিশেষ অৱস্থানে শৰীৰৰ নমনীয়তা (Flexibility) বৃদ্ধি কৰিব পাৰে। ই ষ্ট্ৰেচিঙৰ দৰেই।

৫. মানসিক আৰু আৱেগিক : যৌনতা সম্ভোগে এণ্ড’ৰ্ফিন আৰু অক্সিট’চিন হ’ৰমনৰ মুক্ত কৰে। যাৰ ফলত মানসিক চাপ হ্ৰাস হোৱাৰ লগতে মন আৰু মেজাজ উন্নত হয়।

৬. টোপনি : অৰ্গাজমৰ পিছত শৰীৰে প্ৰ’লেক্টিন নামৰ হৰম’ন নিৰ্গত কৰে যিয়ে ভাল টোপনি অহাত সহায় কৰে।

উল্লেখ্য যে যৌনতাই মধ্যমীয়া শাৰীৰিক কাৰ্য্যকলাপ প্ৰদান কৰিব পাৰে যদিও সাধাৰণতে ই দৌৰা বা ভাৰোত্তোলনৰ দৰে গাঁথনিগত ব্যায়ামৰ সমান হ’ব নোৱাৰে। ব্যায়ামৰ সময় প্ৰায়ে দীঘলীয়া আৰু ধাৰাবাহিক হয়। আনহাতে যৌনতাৰ সময় চুটি হয় আৰু ধাৰাবাহিক নহ’বও পাৰে।

মনত ৰখা ভাল যে যৌনতা সুস্থ জীৱনশৈলীৰ পৰিপূৰক হ’ব পাৰে। ই শাৰীৰিক কাৰ্যকলাপত অৰিহণা যোগাব পাৰে যদিও ই নিয়মীয়া, গাঁথনিগত ব্যায়ামৰ বিকল্প নহয়।