তেওঁ এজন কিংবদন্তি খেলুৱৈ। বিশ্বৰ বিভিন্ন প্ৰান্তত থকা তেওঁৰ অনুৰাগীসকলে তেওঁৰ ভৰিৰ ওচৰত বলটো অহাৰ লগে লগে উল্লাসত গৰ্জন কৰি উঠে। কিন্তু কেৱল লিয়নেল মেছিৰ নাম শুনিয়েই অন্তৰ গলিল হামাছৰ! এনে দাবী ৯০ বছৰীয়া বৃদ্ধা কিবুটজ নিৰ অজৰ। ইজৰাইলৰ বাসিন্দা এই বৃদ্ধাগৰাকীক হেনো পণবন্দী কৰি ৰাখিব বিচাৰিছিল। কিন্তু তেওঁলোকে তেওঁক কেৱল মেছিৰ নাম শুনিয়েই অপহৰণ কৰা নাছিল। কিবুটজে এই অভিজ্ঞতাটোৰ কথা নিজেই কৈছে এখন নিৰ্মাণাধীন তথ্যচিত্ৰত।
দৰাচলতে কি ঘটিছিল? যোৱা অক্টোবৰ মাহত হামাছে ইজৰাইলক আক্ৰমণ কৰিছিল। ফলত টেল আভিভে গাজাক আক্ৰমণ কৰে। যোৱা কেইমাহমানৰ পৰা চলি আছে এই ৰক্তাক্ত সংঘাত। পাঁচ মাহ পূৰ্বে হামাছে সেই আক্ৰমণত কেইবাজনো ইজৰাইলীক পণবন্দী কৰি লৈছিল।
লগতে পঢ়কঃ ধিক্! ৰাজপথত নামাজ পঢ়া মুছলমান ব্যক্তিক গোৰ শোধালে আৰক্ষীয়ে
হামাছৰ উগ্ৰপন্থীয়ে ঘৰে ঘৰে প্ৰৱেশ কৰি বহু লোকক অপহৰণ কৰিছিল। সেই সময়ত তেওঁলোকৰ মুখামুখি হয় ৯০ বছৰীয়া মহিলাগৰাকীৰ। তাৎক্ষণিক বিপদৰ কথা উপলব্ধি কৰি তেওঁ ক’লে, “তোমালোকে ফুটবল চোৱা নে নাই?” হামাছৰ এজন উগ্ৰপন্থীয়ে মূৰ জোকাৰি হয় বুলি কোৱাৰ সময়তে বৃদ্ধাই ক’লে যে মই মেছিৰ দেশৰ পৰা আহিছো।‘’
নিজৰ আৰ্জেণ্টিনাৰ শিপাৰ কথা উল্লেখ কৰি তেওঁ এনেদৰেই মেছিৰ নাম আনিছিল। আৰু তাৰ ফল হয় যাদুৰ দৰে। হামাছৰ এজন উগ্ৰপন্থীয়ে কয় যে “মই মেছিক ভাল পাওঁ।‘’ শেষত হামাছৰ উগ্ৰপন্থীয়ে বৃদ্ধাগৰাকীক অপহৰণ নকৰিলে। বৰঞ্চ মেছিৰ অনুৰাগী উগ্ৰপন্থীজনে তেওঁৰ সৈতে এখন ফটো তুলিও থৈ যায়।
A 90-year-old Argentine woman avoided being kidnapped by Hamas members in Israel thanks to mentioning Messi, which led one of the attackers to take a photo with her and then leave.
The woman said: "I'm from where Messi is from…" Then the attacker took a photo with her and… pic.twitter.com/I4n32WeRap
— All About Argentina 🛎🇦🇷 (@AlbicelesteTalk) March 7, 2024
কিন্তু কিবুটজক ৰেহাই দিলেও তেওঁৰ পৰিয়ালৰ ৮ জন সদস্যক অপহৰণ কৰা হয়। অৱশ্যে পিছত হামাছে ৫জনক মুকলি কৰি দিছে। কিন্তু উগ্ৰপন্থীয়ে এতিয়াও বৃদ্ধাগৰাকীৰ দুটি নাতি-নাতিনী আৰু তেওঁলোকৰ এগৰাকী বান্ধৱীক নিজৰ লগত ৰাখিছে। তেওঁলোকৰ মুক্তিৰ আশাত থকাৰ লগতে বৃদ্ধাৰ আন এক ইচ্ছাও আছে। সেইটো হ’ল, এই খবৰটো যাতে এবাৰ গৈ মেছিৰ ওচৰ পায়। তেওঁ যেন জানিব পাৰে যে কেৱল তেওঁৰ নাম শুনিয়েই হামাছে এগৰাকী বৃদ্ধাক মুকলি কৰি দিছিল।
