৪০ কোটি টকাৰ আবকাৰী কৰ ফাঁকিত অভিযুক্ত কুখ্যৎ সুৰা মাফিয়া ৰাজেশ জালান অৱশেষত দুদিন ধৰি চলা জেৰাৰ অন্তত গ্ৰেপ্তাৰ হ’ল। এনফ’ৰ্চমেণ্ট ডিৰেক্টৰেটে আজি সুৰা মাফিয়া গৰাকীক গ্ৰেপ্তাৰ কৰে।
তেওঁৰ বিৰুদ্ধে ৰুজু হৈ থকা বিত্তীয় কেলেংকাৰিৰ এক গোচৰত সুৰা মাফিয়াজনক যোৱা ৩ অক্তোবৰৰ পৰা এনফ’ৰ্চমেণ্ট ডিৰেক্টৰেটে গুৱাহাটীৰ ৰাজগড় ৰোডত থকা তেওঁলোকৰ কাৰ্যালয়ত মাৰাথন জেৰা চলাই আছিল।
উল্লেখযোগ্য যে সুৰা মাফিয়া গৰাকীয়ে ১৯.৮৬ কোটি টকাৰ আবকাৰী শুল্ক আৰু ২২.৯ কোটি টকাৰ ভেট ফাঁকি দিয়াৰ অভিযোগত কেন্দ্ৰীয় অনুসন্ধানকাৰী সন্থা (চি আই ডি)ই ২০১৬ চনৰ ডিচেম্বৰত তেওঁক আটক কৰিছিল।
সুৰা সম্ৰাট বিজয় মালিয়াৰ সৈতেও ৰাজেশ জালানৰ সম্পৰ্ক থকা বুলি এক সূত্ৰৰ পৰা জানিব পৰা গৈছে।
