কোকৰাঝাৰ জিলাৰ সাপকাটা আৰক্ষী চকীৰ অৰ্ন্তগত কাশিয়াবাৰীত সংঘটিত হোৱা ধৰ্ষণৰ ঘটনাক কেন্দ্ৰ কৰি ৰাইজৰ মাজত তীব্ৰ উত্তেজনাৰ সৃষ্টি হয়।
ঘটনাৰ বিৱৰণী মতে, বি টি ছি ৪ নং যমদুৱাৰ পৰিষদীয় সমষ্টিৰ অধীনৰ বুঢ়াচৰা ভি চি ডি চিৰ সভাপতি নিৰধ নাৰ্জাৰীৰ বিৰুদ্ধে ধৰ্ষণৰ গুতৰ অভিযোগ উথ্থাপন কৰিছে এগাকী মহিলাই। অভিযোগক কেন্দ্ৰ কৰি আজি পূৱা কাশিয়াবাৰীত এক উত্তেজনাময় পৰিস্হিতিৰ সৃষ্টি কৰে স্হানীয় একাশং পুৰুষ মহিলাই।
প্ৰাপ্ত অভিযোগ মতে, কাশিয়াবাৰী বজাৰৰ বাসিন্দা তথা বি টি ছিৰ বুঢ়াচৰা ভি চি ডি চিৰ সভাপতি নিৰধ নাৰ্জাৰীয়ে (৩৫) একেটা অঞ্চলৰ এগৰাকী বিবাহিত মহিলাক ফুচলাই আজিৰ পৰা ১৫ দিন মান পূৰ্বে উপৰ্যুপৰি ধৰ্ষণ কৰে আৰু এই ঘটনাৰ কথা প্ৰকাশ কৰিলে পৰিস্হিতি বিষম হব বুলি ভাবুকি দিয়ে ভূক্তভোগী মহিলাগৰাকীক।
নাৰ্জাৰীৰ ভাবুকিৰ বাবে মহিলা গৰাকীয়ে ভয়ত ইমান দিনে উক্ত ঘটনা সম্পৰ্কে পৰিয়াল তথা স্বামীক অৱগত কৰা নাছিল। যোৱা নিশা ভুক্তভোগী মহিলা গৰাকীয়ে ধৰ্ষণৰ ঘটনাৰ বিষয়ে সকলো কথা স্বামীক জনায়।
মহিলাগৰাকীয়ে সকলো কথা ৰাজহুৱা কৰাৰ পাছত আজি পুৱা ভুক্তভোগী মহিলাগৰাকীৰ স্বামী, পৰিয়ালৰ লোক তথা স্হানীয় একাংশ পুৰুষ মহিলাই একগোট হৈ ধৰ্ষণ কাণ্ডৰ মূল অভিযুক্ত তথা জনপ্ৰতিনিধি নিৰধ নাৰ্জাৰীৰ বাস গৃহ ঘেৰাও কৰি লম্পট নিৰধ নাৰ্জাৰীক ঘৰৰ পৰা বলপূৰ্বক টানি ছোচৰাই বাহিৰ কৰি উত্তম-মধ্যম দি থকাৰ সময়তে গোসাঁইগাঁও আৰক্ষীৰ এটা দল উপস্হিত হৈ ৰাইজৰ হাতৰ পৰা নাৰ্জাৰীক উদ্ধাৰ কৰি থনালৈ লৈ আহে।
এগৰাকী জনপ্ৰতিনিধিয়ে এটি সন্তানৰ মাতৃ এগৰাকী মহিলাক ধৰ্ষণ কৰা কাণ্ডৰ বাবে ৰাইজৰ মাজত তীব্ৰ প্ৰতিক্ৰিয়াৰ সৃষ্টি হয়। পৰৱৰ্তীসময়ত আৰক্ষীয়ে গ্ৰেপ্তাৰ কৰে নাৰ্জাৰীক।
আনহাতে, অভিযুক্ত নিৰধ নাৰ্জাৰীৰ পত্নীয়ে প্ৰতিক্ৰিয়া প্ৰকাশ কৰি কয় যে স্বামীৰ ভাবমুৰ্তি তথা ৰাজনৈতিক জীৱন ধ্বংস কৰাৰ বাবে মিছা অভিযোগ উত্থাপন কৰি বিৰোধী ৰাজনৈতিক চক্ৰই ষড়যন্ত্ৰ ৰছনা কৰিছে।
সম্প্ৰতি দুয়োটা পক্ষই থনাত এজনে আনজনৰ বিৰুদ্ধে গোচৰ তৰিছে। আৰক্ষীয়ে ঘটনা সন্দৰ্ভ তদন্ত অব্যাহত ৰাখিছে পৰৱৰ্তী সময়ত আৰক্ষীৰ তদন্তত সকলো কথা পোহৰলৈ আহিব বুলি আশা কৰা হৈছে।
