ল’কডাউন উলংঘা কৰি অৰুণাচল প্ৰদেশত কেইজমান লোকে কিং কোব্ৰা ভক্ষণ কৰাৰ পিছতে এইবাৰ নাগলেণ্ডত ঘটিছে তদ্ৰূপ ঘটনা।
এই সমগ্ৰ দৃশ্যৰাজি বন্দী হোৱা এটা ভিডিঅ’ চ’ছিয়েল মিডিয়াত ভাইৰেল হৈ পৰিছে।
নাগালেণ্ডৰ অৰণ্যৰ মাজত দুজন যুৱকে কেবাটাও হৰিণা হত্যা আৰু হাপা কৰা দেখা গৈছে ভিডিঅ’টোত।
হৰিণা আৰু হাপা চিকাৰ কৰাৰ পিছত ভিডিঅ’টোত অতি উল্লসিত হৈ যুৱকদ্বয়ে কৈছে যে ‘আমি ল’কডাউন মহোৎসৱ উদযাপন কৰিছো।’
যুৱককেইজনে অৰণ্যৰ মাজত হৰিণা আৰু হাপা মাংসৰ লগতে মাছ সিদ্ধ কৰি ভক্ষণ কৰাও দেখা গৈছে।
যুৱককেইজনে এই কাণ্ড নাগালেণ্ডৰ ইনটাকি ৰাষ্ট্ৰীয় উদ্যানত সংঘটিত কৰিছে বুলি জানিব পৰা গৈছে।
আনহাতে যুৱকেইজনে অতি উল্লাসপূৰ্ণ মন্তব্য কৰিছে যে, ‘আমি ইয়াত আৰু সাতদিন থাকিম, আৰু এয়া আমাৰ বাবে পাৰ্টিৰ সময়।’
ইফালে নগালেণ্ড বন বিভাগে ইতিমধ্যে ভিডিঅ’টোৰ তথ্য লাভ কৰিছে আৰু তদন্ত আৰম্ভ কৰিছে বুলি জানিব পৰা গৈছে।
লগতে পঢ়ক ল’কডাউন উলংঘা কৰি কিং কোব্ৰাৰ মাংস ভোজন অৰুণাচল প্ৰদেশত
