জংগলৰ পৰা খৰি সংগ্ৰহ কৰিবলৈ গৈ আৰু উভতি নাহিল মহিলাগৰাকী। আত্মীয়ই হত্যা কৰিলে এগৰাকী আদিবাসী মহিলাক। ইতিমধ্যে এই ঘটনাৰ অভিযুক্ত মহিলাগৰাকীৰ শহুৰেকক গ্ৰেপ্তাৰ কৰিছে আৰক্ষীয়ে।
বিবাহ বহিৰ্ভূত প্ৰেমৰ বাবেই এই হত্যাকাণ্ড সংঘটিত হোৱা বুলি সন্দেহ কৰা হৈছে।
এই ঘটনাৰ পিছতে দক্ষিণ ত্ৰিপুৰা জিলাৰ ছাব্ৰুম মহকুমাৰ অন্তৰ্গত বাগমৰা হৰিদাস চৌধুৰী পাৰা অঞ্চলত কেন্দ্ৰটোত চাঞ্চল্যৰ সৃষ্টি হৈছে।
আৰক্ষী সূত্ৰৰ পৰা জানিব পৰা মতে, দেওবাৰে খৰি সংগ্ৰহৰ বাবে ঘৰৰ পৰা ওলাই অহা সুন্দৰাম ত্ৰিপুৰা নামৰ মহিলাগৰাকী ঘৰলৈ উভতি নাহিল। ইয়াৰ পিছত ঘৰৰ মানুহে বিচাৰিবলৈ ধৰে। কিন্তু পিছত তেওঁৰ ঘৰৰ পৰা আধা কিলোমিটাৰ দূৰৈৰ পাহাৰৰ তলত উদ্ধাৰ হয় তেওঁৰ মৃতদেহ।
তথ্য লাভ কৰাৰ পিছতে সেই স্থানত উপস্থিত হয় আৰক্ষী আৰু ফৰেনছিক বিশেষজ্ঞ।
জানিব পৰা মতে মৃতদেহটো মৰণোত্তৰ পৰীক্ষাৰ বাবে ছাবৰুম মহকুমা চিকিৎসালয়লৈ প্ৰেৰণ কৰা হৈছে।
তদন্তকাৰীয়ে জনোৱা মতে, মহিলাগৰাকী দুমাহৰ গৰ্ভৱতী আছিল। কপালত আঘাতৰ চিন স্পষ্ট। তদুপৰি মহিলাগৰাকীৰ শৰীৰৰ কেইবাটাও স্থানত নখৰ আঁচোৰৰ চিনও পোৱা গৈছে।
উল্লেখ্য যে ঘটনাৰ পিছৰে পৰা মহিলাগৰাকীৰ শহুৰেক পলাতক হৈ আছিল। ঘটনাৰ তদন্তৰ অন্তত আৰক্ষীয়ে মৃতকৰ শহুৰেক সুনীল ত্ৰিপুৰাক গ্ৰেপ্তাৰ কৰে।
বাসিন্দাসকলে অভিযোগ কৰে যে মৃত গৃহিণীগৰাকীয়ে শহুৰেকৰ সৈতে বিবাহ বহিৰ্ভূত প্ৰেমৰ সম্পৰ্ক স্থাপন কৰিছিল। স্বামীৰ পৰিয়ালে এই কথা গম পোৱাৰ লগে লগে আউল লাগে।
ঘটনাস্থলীৰ পৰা আৰক্ষীয়ে খুড়াৰ জোতা আৰু হাতৰ তাবিজ উদ্ধাৰ কৰে। ইয়াৰ উপৰিও আৰক্ষীয়ে শিশুটিৰ ডি এন এ টেষ্ট কৰা হ’ব বুলিও জানিবলৈ দিয়ে।
