দিল্লীত চলি থকা বিশ্ব মহিলা বক্সিঙত শক্তিশালী প্ৰতিদ্বন্দ্বীক ঘটুৱাই অসমৰ দুগৰাকী যুৱতী বক্সাৰে কোৱাৰ্টাৰত প্ৰৱেশ কৰি অসমলৈ গৌৰৱ কঢ়িয়াই আনিছে।
আজি অনুষ্ঠিত ৬৯ কিলোগ্ৰাম শাখাৰ এখন খেলত লাভলিনা বৰগোহাঁয়ে পানামাৰ অলিম্পিয়ান বক্সাৰ এথেইনা বাইলনক স্পষ্ট ৫-০ৰ ব্যৱধানত হৰুৱায়।
লাভলিনা বৰগোহাঁয়ে কোৱাৰ্টাৰ ফাইনেলত প্ৰৱেশ কৰাৰ সমান্তৰালভাৱে ৮১ কিলোগ্ৰাম শাখাত ভাগ্যৱতী কছাৰীয়ে জাৰ্মানীৰ আইৰিনা নিকোলেতা ছোনবাৰজাৰক হৰুৱাই কোৱাৰ্টাৰ ফাইনেলত প্ৰৱেশ কৰে।
দুয়োগৰাকী খেলুৱৈয়ে আজি বেচ উজ্জীৱিত প্ৰদৰ্শন আগ বঢ়ায়। লাভলিনাই ৫-০ৰ ব্যৱধানত জিকাৰ বিপৰীতে ৪-১ৰ ব্যৱধানত জয় সাব্যস্ত কৰে।
দুয়োগৰাকীয়ে ছেমিৰ বাবে অহা ২০ নৱেম্বৰত ৰিঙত নামিব। লাভলিনাই অষ্ট্ৰেলিয়াৰ স্কট কেৰ বিৰুদ্ধে আৰু ভাগ্যৱতীয়ে কলম্বিয়া আৰু ইউক্ৰেইনৰ প্ৰতিদ্বন্দ্বীৰ মাজত হ’ব লগীয়া খেলৰ বিজয়ীৰ বিৰুদ্ধে খেলিব।
উল্লেখযোগ্য যে দিল্লীত যোৱা ১৫ নৱেম্বৰৰ পৰা হৈ থকা বিশ্ব মহিলা চেম্পিয়নশ্বিপত ৩৫ বছৰীয়া মেৰী কমকে ধৰি ভাৰতৰ হৈ উত্তৰ পূবৰ বহু কেইগৰাকী যুৱতী/মহিলাই দমনীয় প্ৰদৰ্শন আগ বঢ়াই আছে। প্ৰতিযোগিতাখনৰ অহা ২৪ নৱেম্বৰত সামৰণি পৰিব।
