অপেছাদাৰী নাট্যগোষ্ঠী মুখাই গুৱাহাটীত অনুষ্ঠিত কৰিব বিষ্ণু-জ্যোতি নাট সমাৰোহ
বৰপেটাৰ অপেছাদাৰী নাট্যগোষ্ঠী মুখাই জানুৱাৰিৰ ২৩ তাৰিখৰ পৰা গুৱাহাটীত বিষ্ণু-জ্যোতি নাট সমাৰোহৰ আয়োজন কৰিছে।
চতুৰ্থবাৰৰ বাবে আয়োজন কৰা এই সমাৰোহ অনুষ্ঠিত হ’ব গুৱাহাটীৰ জিলা পুথিভঁৰাল প্ৰেক্ষাগৃহত। নাট সমাৰোহখন চাৰিদিনীয়াকৈ অনুষ্ঠিত হ’ব।
আৰম্ভণিৰ দিনা সমাৰোহখন উদ্বোধন কৰিব জনপ্ৰিয় অভিনেত্ৰী উৰ্মিলা মহন্তই।
উদ্বোধনৰ পিছতেই ‘বাহ গুৱাহাটী’ গোষ্ঠীৰ শিল্পীসকলে ‘পদ্মপ্ৰিয়া’ নাটখন মঞ্চস্থ কৰিব। সেইদিনাখনেই ‘জীৱন অনামিকা’ নামৰ আন এখন নাট মঞ্চস্থ কৰিব ‘কথা দুলীয়াজান’ৰ শিল্পীসকলে।
নাট্যপ্ৰেমীসকলে সমাৰোহত ৰাজ্যখনৰ বিভিন্ন নাট্যগোষ্ঠীৰ আন নাটকসমূহো উপভোগ কৰিব পাৰিব।
২৪ জানুৱাৰিত পাঠশালা নাটমণ্ডলে মঞ্চস্থ কৰিব ‘সেনাপতি আৰু সৈনিক’ নাটখন। সেইদিনাখনেই সৰুপেটাৰ মঞ্চই প্ৰদৰ্শন কৰিব ‘তক্ষশীলা’ নামৰ নাটখন।
২৫ জানুৱাৰিত সমাৰোহৰ তৃতীয় দিনা মঞ্চস্থ হ’বলগীয়া নাট দুখন হৈছে ‘অনুশীলন’ আৰু ‘উইংছ’।
সমাৰোহৰ সামৰণিৰ দিনা মুখাই মঞ্চস্থ কৰিব ‘ভোগজৰা’ নামৰ নাটখন। নাট প্ৰদৰ্শনীসমূহ প্ৰতিদিনে সন্ধিয়া ৫.৩০ বজাৰ পৰা অনুষ্ঠিত হ’ব।
You may also like
পল্টনবজাৰত পানী টেংকাৰ-স্কুটীৰ সংঘৰ্ষত থিতাতে নিহত স্কুটী চালক
গুৱাহাটী মহানগৰীৰ মাজমজিয়াৰ পল্টনবজাৰৰ বিশাল পইণ্টত বৃহস্পতিবাৰে দুপৰীয়া সংঘটিত হোৱা এক ভয়ংকৰ পথ দুৰ্ঘটনাত বিমল বড়ো নামৰ এগৰাকী লোকৰ থিতাতে মৃত্যু হয়।…
Father and son die শোকাৱহ: ফটকাৰ বিস্ফোৰণ ঘটি পিতৃৰ সৈতে নিহত ৭ বছৰীয়া পুত্ৰ,ক’ত?
দীপাৱলীৰ আনন্দত সমগ্ৰ দেশ মতলীয়া হৈ থকাৰ সময়তে সংঘটিত হৈছে এক শোকাৱহ ঘটনা। ফটকাৰ বিস্ফোৰণ ঘটি সাত বছৰীয়া পুত্ৰৰ সৈতে মৃত্যু ঘটিছে…
লাগে জনশক্তি! জন্মৰ হাৰ বৃদ্ধিৰ বাবে চীনৰ ৰাষ্ট্ৰপতিয়ে ঘোষণা কৰিলে নতুন নীতি
China seeks to boost the birth rate চীনে দেশখনত জন্মৰ হাৰ বৃদ্ধি কৰিবলৈ এক নতুন নীতি প্ৰস্তুত কৰিবলৈ আগবাঢ়িছে। ৰাষ্ট্ৰপতি জি জিনপিঙে…
নিৰ্বাচন সমাগত : ভোটাৰৰ ওপৰত বিজেপি চৰকাৰৰ আধাৰশিলা, জনকল্যাণ আঁচনিৰ বৰষুণ
সমাগত লোকসভা নিৰ্বাচনৰ অধিসূচনা জাৰি কৰিবলৈ আৰু মাত্ৰ কেইদিনমান বাকী থকা অৱস্থাত বিজেপি চৰকাৰে ভোটাৰৰ মন জয় কৰিবলৈ চাৰিওফালে আধাৰশিলা স্থাপন, আঁচনি…