কৃষি পদ্ধতিৰ প্ৰযুক্তিগত জ্ঞান লাভৰ বাবে ভিয়েটনামলৈ কৃষি মন্ত্ৰীৰ নেতৃত্বত অসমৰ কৃষকৰ দল

ভিয়েটনামৰ কৃষি সম্বন্ধে বাস্তৱ অভিজ্ঞতা লাভ কৰোৱা আৰু এছিয়ান ৰাষ্ট্ৰসমূহৰ পৰা নিৱেশ লাভৰ জৰিয়তে ৰাজ্যৰ কৃষি খণ্ডটোক পুৰুজ্জীৱিত কৰি তোলাৰ উদ্দেশ্যে অসমৰ এটা কৃষকৰ দলক মুখ্য মন্ত্ৰীয়ে ভিয়েটনামলৈ লৈ গৈছে। মুখ্য মন্ত্ৰীৰ নেতৃত্বত কৃষকৰ দলটো শনিবাৰে আবেলি ভিয়েটনামলৈ বুলি ৰাওনা হৈছে।

অসমৰ মুখ্য মন্ত্ৰী সৰ্বানন্দ সোণোৱালে ভিয়েটনামলৈ লৈ যোৱা দলটোত আছে  ১৩ গৰাকী বিধায়ক, চৰকাৰী কৰ্মচাৰী আৰু ১৫ গৰাকী প্ৰগতিশীল কৃষকৰ এটা সঁজাতি দল।দলটোৰ নেতৃত্বত আছে অসমৰ কৃষি মন্ত্ৰী অতুল বৰা। অসম আৰু ভিয়েটনামৰ জলবায়ু, ভূ-পৃষ্ঠ আৰু কৃষি পদ্ধতিৰ ধৰণ কৰণৰ মিল থকা বাবে অসমৰ কৃষিখণ্ডত ভিয়েটনামৰ কৃষি পদ্ধতি ব্যৱহাৰ কৰিব পৰা যাব বুলি কৃষকসকলক ভিয়েটনামৰ কৃষিৰ ওপৰত বাস্তৱ জ্ঞান লাভ কৰাৰ বাবে লৈ যোৱা হৈছে।

এই ভ্ৰমণৰ অংশ হিচাপে দলটোৱে সোমবাৰে প্ৰযুক্তি বিকাশ আৰু কৃষি সম্প্ৰসাৰণৰ বাবে হানয়ৰ ভিন ক্কিন ত্ৰিত অৱস্থিত ভিয়েটনাম একাডেমী অব এগ্ৰিকালছাৰেল ছাইন্স ভ্ৰমণ কৰিব আৰু পাৰস্পৰিক স্বাৰ্থজড়িত বিষয়সূহৰ ওপৰত বিষয়াবৰ্গৰ সৈতে মত বিনিময় কৰিব।

ভ্ৰমণ কালত মুখ্য মন্ত্ৰীয়ে ভিয়েটনাম চৰকাৰৰ উপ কৃষি আৰু গ্ৰাম্য বিকাশ মন্ত্ৰী হা কং টুৱান, বৈদেশিক সম্পৰ্ক আয়োগৰ চেয়াৰমেন হোৱাং বিন কুৱান আৰু কেন্দ্ৰীয় অৰ্থনৈতিক আয়োগৰ চেয়াৰমেন কাও দুয়ে ফাটক সাক্ষাৎ কৰি তেওঁলোকৰ সৈতে আলোচনাত মিলিত হ’ব। আবেলি তেওঁ এখন বিনিয়োগ ৰোড শ্ব’ত ভাগ ল’ব। ১৫ মে’ত সঁজতি দলটোৱে ভিন ফুকত থকা ভিনেকো কৃষি বিনিয়োগ উৎপাদন আৰু বিকাশ (Vineco Agriculture Investment Production and Development) ভ্ৰমণ কৰিব আৰু খোৱাই চাও জিলাত অৱস্থিত ফাৰ্মিং আৰু সংৰক্ষণ ক্ষেত্ৰসমূহ ভ্ৰমণ কৰিব।