ডকমকা কাণ্ডৰ অভিযুক্তসকলৰ ফাঁচিৰ দাবীত জামুগুৰিত বৃঃ অঃ যুঃ মঃৰ জোঁৰ সমদল
কাৰ্বি আংলঙৰ ডকমকাত যোৱা ৮ জুনত নৃশংস হত্যাকাণ্ডৰ বলি হোৱা অভিজিৎ নাথ আৰু নীলোৎপল দাসৰ হত্যাৰ লগত জড়িত সকলক তৎকালে ফাঁচী দিয়াৰ দাবীত আজি সন্ধ্যা শিৱসাগৰ জিলাৰ জাঁজী জামুগুৰিত বৃহত্তৰ অসমীয়া যুৱ মঞ্চৰ জাঁজী আঞ্চলিক সমিতিয়ে এক বৃহৎ জোঁৰ সমদল বাহিৰ কৰে।
জাঁজী, জামুগুৰি আৰু ফুলপানীছিগাবাসী ৰাইজৰ সহযোগত বাহিৰ কৰা এই প্ৰতিবাদী সমদলৰ আগে আগে এক ৰাজহুৱা শ্ৰদ্ধাঞ্জলি অনুষ্ঠানৰো আয়োজন কৰা হয়।
বৃহত্তৰ অসমীয়া যুৱ মঞ্চৰ মনোজ গগৈয়ে আঁত ধৰা শ্ৰদ্ধাঞ্জলি অনুষ্ঠানত প্ৰয়াত অভিজিৎ নাথ আৰু প্ৰয়াত নীলোৎপল নাথৰ প্ৰতিচ্ছবিৰ সন্মুখত বন্তি প্ৰজ্বলন কৰে শিৱসাগৰ প্ৰেছ কৰেছপণ্ডেন্টছ এছ’চিয়েচনৰ সভাপতি ধ্ৰুৱজ্যোতি ভট্টাচাৰ্য্য আৰু স্থানীয় সমাজকৰ্মী ৰবীন বৰুৱাই।
ইয়াৰ পাছতে জাঁজী জামুগুৰিৰ পৰা জাঁজী হৈ ফুলপানীছিগা লৈ ৩৭নং ৰাষ্ট্ৰীয় ঘাইপথেদি জোঁৰ সমদল উলিওৱা হয়।
আনহাতে সদৌ অসম সংখ্যালঘু ছাত্ৰ ইউনিয়ন (আমছু)ৰ জাঁজী আঞ্চলিক সমিতিয়েও আজি অভিজিৎ -নীলোৎপলৰ প্ৰতি ৰাজহুৱা শ্ৰদ্ধাঞ্জলি অনুষ্ঠানৰ আয়োজন কৰে।
You may also like
মোদীৰ নতুন মন্ত্ৰীসভাত ৰামেশ্বৰ তেলী! প্ৰধান মন্ত্ৰী কাৰ্যালয়ৰ পৰা ফোন
দ্বিতীয়বাৰৰ বাবে প্ৰধান মন্ত্ৰী হিচাপে আজি সন্ধিয়া শপত গ্ৰহণ কৰিব নৰেন্দ্ৰ মোদীয়ে। মোদী মন্ত্ৰীসভাত ইতিমধ্যে স্থান পাবলগীয়া মন্ত্ৰীৰ কেইটামান নাম সংবাদ মাধ্যমত…
চামগুৰিত বিহুৰ দিনাই বনৰীয়া হাতীৰ আক্ৰমণত প্ৰাণ গ’ল এজন লোকৰ
আজি বিহুৰ দিনাই চামগুৰিত সংঘটিত হৈছে এক শোকাবহ ঘটনা। দীৰ্ঘদিনৰ পৰাই বনৰীয়া হাতীয়ে সন্ত্ৰাসৰ সৃষ্টি কৰি অহা চামগুৰি অঞ্চলত আজি পুনৰ বনৰীয়া…
আত্মনিৰ্ভৰশীল ভাৰত: এমাহতে পাঁচ খন দেশলৈ ২৩ লাখ পিপিই কিট ৰপ্তানি
ক’ৰ’ণা ভাইৰাছে মহা সংহাৰৰ সৃষ্টি কৰা ভাৰতত ক’ৰ’ণাৰ প্ৰথম সংক্ৰমণৰ সময়ত পিপিই কিট প্ৰস্তুত কৰা এটাও প্ৰতিষ্ঠান নাছিল। যাৰ বাবে প্ৰথম অৱস্থাত…
ব্যতিক্ৰম মাচড’ৰ উদ্যোগত গহনা ডিজাইনাৰ অপৰাজিতা দাস বৰুৱাক সম্বৰ্ধনা
আজি গুৱাহাটী প্ৰেছ ক্লাৱত ব্যতিক্ৰম মাচড’ৰ উদ্যোগত অপৰাজিতা দাস বৰুৱাক সম্বৰ্ধনা জনোৱা হয়। পৰম্পৰাগত গহনা বিক্ৰী আৰু গহনা ডিজাইন কৰাৰ বাবে অপৰাজিতাক…