তেজপুৰত বৃহৎ পৰিমাণৰ অৰুণাচলী সুৰাসহ দুজনক আটক

অবৈধ সুৰাৰ বিৰুদ্ধে অভিযান অব্যাহত ৰাখি বৃহস্পতিবাৰে শোণিতপুৰ জিলা আৰক্ষী আৰু আবকাৰী বিভাগে অৰুণাচলৰ পৰা কঢ়িয়াই অনা বৃহৎ পৰিমাণৰ সুৰা জব্ধ কৰিবলৈ সক্ষম হৈছে।আনহাতে ইয়াৰ লগতে দুজন লোককো আটক কৰিছে আৰক্ষীয়ে।

উল্লেখ্য যে এক গোপন সূত্ৰৰ পম খেদি আবকাৰী আৰু আৰক্ষী বাহিনীয়ে বৃহস্পতিবাৰৰ পুৱাৰে পৰা বিশ্বনাথত তালাচী চলাই আছিল।

আবকাৰী বিভাগে সুৰাভৰ্তি বাহনখনে লক্ষীমপুৰ জিলাৰ বিহপুৰীয়া ৰাজহ চক্ৰৰে অসমত প্ৰৱেশ কৰাৰ সম্ভদ লাভ কৰিছিল।

বাহনখনে শোণিতপুৰ জিলাত প্ৰৱেশ কৰাৰ পাছত আৰক্ষীয়ে পিছ লৈ দিনৰ প্ৰায় ২.২০ বজাত জব্ধ কৰিবলৈ সক্ষম হয়।

এএছ০৭ চি ৮৬৩৪ নম্বৰৰ বাহনখনৰ পৰা আবকাৰী বিভাগে ৭৩৮ কাৰ্টন আইএমএফএল/বিয়েৰ জব্দ কৰিবলৈ সক্ষম হয়। উল্লেখ্য যে বাহনখনৰ পাৰ্মিটৰ বহু বিসংগতি থকা বুলি প্ৰকাশ কৰিছে আৰক্ষী শীৰ্ষ সূত্ৰই।

ইয়াৰ মাজতে আবকাৰী আৰু আৰক্ষী বিভাগে আটকাধীন লোক দুজনক সোধা-পোছা আব্যাহত ৰাখিছে আৰু পৰৱৰ্তী পৰ্যায়ত তেওঁলোকৰ পৰা অধিক তথ্য লাভ কৰিব পৰা যাব বুলি প্ৰকাশ কৰিছে।

অৰুণাচলী সুৰাৰ বিৰুদ্ধে আৰক্ষী আৰু আবকাৰী বিভাগে গ্ৰহণ কৰা স্থিতিক আদৰণি জনাইছে ৰাইজে।