মহানগৰত ৰাজহুৱা স্থানত ধূমপান কৰা বহুতকে আজি আৰক্ষীয়ে বিহিলে জৰিমনা; সাৰি নগ’ল দোকান সমূহো
ৰাজহুৱা স্থানত ধূমপান কৰাসকলে জৰিমনাৰ সন্মুখীন হ’ব লাগিব বুলি ঘোষণা কৰাৰ কেইদিন মানৰ পিছতে আজি গুৱাহাটীৰ বিভিন্ন স্থানত মহানগৰ আৰক্ষীয়ে ৰাজহুৱা স্থানত ধূমপানকাৰীসকলৰ বিৰুদ্ধে অভিযান চলায়। পোনপ্ৰথমে দিচপুৰ আৰক্ষী আৰু মহানগৰ প্ৰশাসনৰ শীৰ্ষ বিষয়া কেইগৰাকীমানে আৰম্ভ কৰে এই অভিযান।
উল্লেখ্য যে, আজি বশিষ্ঠ আৰক্ষীয়ে বেচৰকাৰী সংস্থা ‘সম্বন্ধ হেল্থ ফাউণ্ডেইশ্যন’ৰ সহযোগত বশিষ্ঠ অঞ্চলত ৰাজহুৱা স্থানত ধূমপান কৰা বহুকেইজন লোককে জৰিমনা বিহাৰ লগতে কেইখনমান দোকানতো অভিযান চলাই জৰিমনা বিহে।
এই সম্পৰ্কত বশিষ্ঠ থানাৰ ভাৰপ্ৰাপ্ত আৰক্ষী বিষয়া নৱজিৎ দাসে নৰ্থ-ইষ্ট নাওৰ সাংবাদিকক জনায় যে তেওঁলোকে আজি ৩২ গৰাকী লোকক ৰাজহুৱা স্থানত ধূমপান কৰাৰ বাবে জৰিমনা বিহে। এই জৰিমনাৰ পৰিমাণ ২০০ টকাতকৈও অধিক বুলিও আমাক জনায়।
আনহাতে যিবোৰ দোকানত চিগাৰেটৰ বিজ্ঞাপন লগাই থৈছিল তথা দোকানত ন’ স্ম’কিং ছাইনব’ৰ্ড লগোৱা নাছিল, সেইবোৰ দোকানকো জৰিমনা বিহে।
আজি এই অভিযান চলায় বশিষ্ঠ আৰক্ষী আৰু ‘সমন্ধ হেল্থ ফাউণ্ডেইশ্যন’-এ। অভিযানৰ সময়ত ব্যৱসায়ীসকলক অনতি পলমে ন’ স্মকিঙৰ বেনাৰ লগাবৰ বাবে নিৰ্দেশ দিয়ে।
উল্লেখ্য যে এই অভিযান পৰৱৰ্তী সময়তো মহানগৰ আৰক্ষীয়ে চলাই নিব বুলি আৰক্ষী বিষয়াগৰাকীয়ে আমাক জানিবলৈ দিয়ে।
You may also like
জ্যেষ্ঠ নাগৰিকৰ বাবে সুখবৰ : তেওঁলোকৰ বাবে SBI-এ কৰিছে ডাঙৰ ঘোষণা; কি বৃহৎ এই ঘোষণা ?
দেশৰ জ্যেষ্ঠ নাগৰিকৰ বাবে সুখবৰ কঢ়িয়াই দেশৰ বৃহত্তম ৰাষ্ট্ৰায়ত্ত বিত্তীয় প্ৰতিষ্ঠান ভাৰতীয় ষ্টেট বেংকে কৰিছে পুনৰ এক বৃহৎ ঘোষণা। দেশত ক’ৰ’ণা অব্যাহত…
অথলে গ’ল বিৰাটৰ শতক, ইন্দোৰত পৰাস্ত হৈ নিউজিলেণ্ডৰ বিৰুদ্ধে শৃংখলা হেৰুৱালে ভাৰতে
যেতিয়ালৈকে কোহলি ক্ৰীজত থাকে তেতিয়ালৈকে আশা জীয়াই থাকে। তেওঁ এতিয়াও ৰাণৰ লক্ষ্য অনুসৰণত ‘চেজমাষ্টাৰ’। অৱশ্যে প্ৰতিখন মেচতে সেয়া সম্ভৱ নহয়। দেওবাৰে ইন্দোৰত…
বিহালীৰ বৰাজুলীত বাঘ খেদিবলৈ যোৱা লোকৰ অৰ্ধ গলিত মৃতদেহ উদ্ধাৰকলৈ চাঞ্চল্য
বিহালীৰ বিভিন্ন স্থানত এতিয়াও বাঘৰ আতংক অব্যাহত আছে। কিন্তু তাৰ মাজতে বাঘ খেদিবলৈ গৈ নিৰুদ্দেশ হোৱা বিজয় গোৱালা নামৰ লোকজনৰ অৰ্ধ গলিত…
ভাৰতীয় সেনাৰ প্ৰত্যুত্তৰৰ শংকা! গালৱানত ২ কিলোমিটাৰ পিছ হুহুকিল চীনা সৈন্য
লাডাখ সীমান্তত ভাৰত-চীনৰ মাজত চলি থকা যুদ্ধমুখী পৰিস্থিতিত ভাৰতে এক দৃঢ় স্থিতি লাভ কৰিছে। ভাৰতীয় সেনাৰ প্ৰত্যাক্ৰমণৰ আশংকাত প্ৰায় ২ কিলোমিটাৰ পিছুৱাই…