নাগালেণ্ডত ২৯ টা ৰাষ্ট্ৰীয় ঘাইপথ প্ৰকল্পৰ পৰিকল্পনা : নিৰ্মাণ হ’ব ৫৪৫ কিলোমিটাৰ দৈৰ্ঘ্যৰ পথ
কেন্দ্ৰীয় পথ পৰিবহণ আৰু ঘাইপথ মন্ত্ৰী নীতিন গাডকাৰীয়ে ২১.১০.২০২৪ তাৰিখে নাগালেণ্ডৰ উপ-মুখ্যমন্ত্ৰী টি আৰ জেলিয়াং আৰু পথ পৰিবহণ আৰু ঘাইপথ বিভাগৰ ৰাজ্যিত মন্ত্ৰী অজয় তামতা আৰু হৰ্ষ মালহোত্ৰাৰ উপস্থিতিত নাগালেণ্ডৰ ৰাষ্ট্ৰীয় ঘাইপথসমূহৰ বিষয়ে পৰ্যালোচনা কৰে।
এই সন্দৰ্ভত তেওঁ এক্স উল্লেখ কৰিছে – “কেন্দ্ৰীয় মন্ত্ৰী অজয় তামতা জী, এইচ ডি মালহোত্ৰা জী, নাগালেণ্ডৰ উপ-মুখ্যমন্ত্ৰী টি আৰ জেলিয়াং জী আৰু দিল্লীৰ জ্যেষ্ঠ বিষয়াসকলৰ সৈতে নাগালেণ্ডৰ ৫৪৫ কিলোমিটাৰ দৈৰ্ঘ্যৰ ২৯টা ৰাষ্ট্ৰীয় ঘাইপথ প্ৰকল্পৰ অগ্ৰগতিৰ পৰ্যালোচনা কৰিলোঁ। বৈঠকৰ সময়ত আমি বহনক্ষমতা আৰু ব্যয়সক্ষমতাক অগ্ৰাধিকাৰ দি নাগালেণ্ডত গতিশীল আন্তঃগাঁথনি উন্নয়ন ত্বৰান্বিত কৰাৰ প্ৰয়োজনীয়তাৰ ওপৰত গুৰুত্ব আৰোপ কৰোঁ। এই পদক্ষেপসমূহে সংযোগ বহু পৰিমাণে বৃদ্ধি কৰিব, স্থানীয় অৰ্থনৈতিক বিকাশ সাধন কৰাৰ লগতে ভাৰতৰ সামগ্ৰিক উন্নয়নত অঞ্চলটোৰ গভীৰ সংহতিত অৰিহণা যোগাব।”
Nagaland’s highways 🛣 are transforming into lifelines of growth, driven by PM Shri @narendramodi Ji’s vision. A future of connectivity, prosperity, and progress unfolds with every new road.#PragatiKaHighway #GatiShakti pic.twitter.com/AOfkRhCd0S
— Nitin Gadkari (@nitin_gadkari) October 21, 2024
গাডকাৰীয়ে এক্সৰ আন এটা পোষ্টত লিখিছে, “প্ৰধানমন্ত্ৰী নৰেন্দ্ৰ মোদীৰ দৃষ্টিভংগীৰ দ্বাৰা পৰিচালিত নাগালেণ্ডৰ ঘাইপথসমূহ বিকাশৰ আয়ুসৰেখাত পৰিণত হৈছে। প্ৰতিটো নতুন পথৰ লগে লগে সংযোগ, সমৃদ্ধি আৰু প্ৰগতিৰ ভৱিষ্যত পৰিস্ফুট হৈছে।”