আজি পুনৰ ৪০জন কোভিড-১৯ পজিটিভ ৰোগী চিনাক্ত; ৰাজ্যত আক্ৰান্তৰ সংখ্যা ৪১৫৮ জনলৈ বৃদ্ধি

ৰাজ্যত সোমবাৰে পুনৰ ৪০জন লোকৰ দেহত কোভিড-১৯ পজিটিভ ধৰা পৰিছে।

ইয়াৰে সৈতে ৰাজ্যখনত মুঠ আক্ৰান্তৰ সংখ্যা ৪১৫৮জনলৈ বৃদ্ধি পালে।

আজি পজিটিভ চিনাক্ত হোৱাসকলৰ ভিতৰত আছে যোৰহাটৰ ৩১জন, ধেমাজিৰ ৩জন, বিশ্বনাথৰ দুজন, ধুবুৰীৰ দুজন আৰু লখিমপুৰ তথা ডিব্ৰুগড়ৰ এজনকৈ লোক।

অসমত ১৯৬০গৰাকী ব্যক্তি এইপৰ্য্যন্ত আৰোগ্য হৈ উঠিছে। বৰ্তমান সক্ৰিয় ৰোগীৰ সংখ্যা হৈছে ২১৮৭ জন।

অসমত কোভিড-১৯ৰ ফলত এতিয়ালৈকে আঠগৰাকী লোকৰ মৃত্যু ঘটিছে।

স্বাস্থ্য মন্ত্ৰী হিমন্ত বিশ্ব শৰ্মাই টুইটাৰত এই তথ্য প্ৰকাশ কৰিছে।

📌Alert ~ 40 new #COVID19+ cases reported

31 Jorhat, 3 Dhemaji, 2 Biswanath, 2 Dhubri, 1 Lakhimpur, 1 Dibrugarh

↗️Total cases 4158
↗️Recovered 1960
↗️Active cases 2187
↗️Deaths 08

11:35 PM /June 15/Day's total as of now 40#AssamCovidCount pic.twitter.com/f7MhAHOsZA

— Himanta Biswa Sarma (@himantabiswa) June 15, 2020

ইপিনে, ৰাজ্যখনত দেওবাৰে নিশা ৬৯জন লোকৰ দেহত কোভিড-১৯ পজিটিভ ধৰা পৰিছিল।

নিশা কোভিড-১৯ পজিটিভ চিনাক্ত হোৱা এই ৬৯জন ব্যক্তিৰ ভিতৰত আছিল নগাঁৱৰ ১৬জন, ধুবুৰীৰ ১৫জন, কামৰূপৰ ১২জন, যোৰহাটৰ ১০জন, ধেমাজিৰ ৬জন, ওদালগুৰিৰ ৪জন, কামৰূপ গ্ৰাম্যৰ ৩জন আৰু বৰপেটাৰ ৩জন লোক।

ইয়াৰ পূৰ্বে দেওবাৰে দিনৰ ভাগত ৰাজ্যখনত আন ১০৬জন কোবিড-১৯ পজিটিভ ব্যক্তি চিনাক্ত হৈছিল।

এই চিনাক্ত হোৱা ব্যক্তিসকলৰ মাজত নগাঁৱৰ ৩২, কামৰূপৰ ২৮, দৰঙৰ ১৩, বৰপেটাৰ দহ, কৰিমগঞ্জৰ তিনি, লখিমপুৰৰ দুই আৰু ধেমাজি আৰু কাছাৰৰ এজনকৈ ব্যক্তি আছিল।

দেওবাৰৰ দিনটোত মুঠতে ২১৮ জন কোভিড-১৯ পজিটিভ ৰোগী চিনাক্ত হৈছিল।