ৰাজ্য চৰকাৰৰ আৰোগ্য নিধিলৈ ১ লাখ টকাৰ সাহায্য প্ৰদান মহানগৰ জিলা পৰিবহন বিষয়া বাপন কলিতাৰ

সমগ্ৰ বিশ্বতে ক’ৰ’না ভাইৰাছে ত্ৰাসৰ সৃষ্টি কৰিছে।

ইটালী, আমেৰিকা, স্পেইনৰ পিছত ভাৰততো এই ক’ৰ’না ভাইৰাছে সংহাৰী ৰূপ ধাৰণ কৰিছে। এনে এক জটিল সময়ৰ সৈতে যুঁজিবলৈ ৰাজ্য চৰকাৰক সৰ্বতোপ্ৰকাৰে সহায় কৰিছে জনসাধৰণে৷

ক’ৰ’না বিৰোধী যুঁঁজলৈ ৰাজ্য চৰকাৰৰ আৰেগ্য নিধিলৈ দেওবাৰে কামৰূপ মহানগৰ জিলা পৰিৱহন বিষয়া বাপন কলিতাই আগবঢ়ায় সাহায্য। স্বাস্থ্যমন্ত্ৰী ড০ হিমন্ত বিশ্ব শৰ্মাৰ হাতত অসম আৰোগ্য নিধিলৈ ১ লাখ টকাৰ চেক প্ৰদান কৰে বিষয়া বাপন কলিতাই।

আনহাতে এনে এক পৰিস্থিতিত ক’ৰ’না ভাইৰাছৰ সংক্ৰমণ ৰোধৰ লগতে ৰোগৰ সৈতে মোকাবিলা কৰিবলৈ অসমৰ ৰাজনৈতিক মহলৰ লগতে খেলুৱৈ, শিল্পী, বিভিন্ন ধৰ্মীয় অনুষ্ঠানৰ লগতে সৰ্বসাধৰণ ৰাইজেও ৰাজ্য চৰকাৰক আৰোগ্য নিধিৰ জৰিয়তে সহায়ৰ হাত আগবঢ়াই।

যাৰ ফলত ৰাজ্য চৰকাৰৰে অতি কম সময়ৰ ভিতৰত ৰাজ্যখনক ক’ৰ’নাৰ বিৰুদ্ধে যুঁজিবলৈ থিয় কৰাব সক্ষম হোৱাৰ লগতে ৰাজ্য চৰকাৰৰে কিছু পৰিমানে সকাহ পাইছে।