চৈয়দ মুস্তাক আলী টি-২০ প্ৰতিযোগিতা, আজি হায়দৰাবাদৰ বিৰুদ্ধে অভিযান আৰম্ভ অসমৰ

আজিৰ পৰা আৰম্ভ হৈছে দেশৰ আগশাৰীৰ ঘৰুৱা টি-২০ ক্ৰিকেট প্ৰতিযোগিতা চৈয়দ মুস্তাক আলী ক্ৰিকেট প্ৰতিযোগিতা।

আজি কলকাতাৰ ইডেন গাৰ্ডেন ক্ৰিকেট গ্ৰাউণ্ডত অসম হায়দৰাবাদৰ মুখামুখি হৈছে।

টছত জয়ী হৈ হায়দৰাবাদে প্ৰথমে বলিং কৰাৰ সিদ্ধান্ত গ্ৰহণ কৰে।

বাতৰি সংগ্ৰহ কৰাৰ পৰলৈ অসমে ৪ অভাৰত তিনিটা উইকেট হেৰুৱাই ২৭ ৰান সংগ্ৰহ কৰিছে।

অসমৰ দলটো হৈছে- অম্লানজ্যোতি পৰেশ দাস, ৰিয়ান পৰাগ, চাহিল জৈন, অৰুপ দাস, ঋষভ দাস, অভিষেক ঠাকুৰীয়া, প্ৰীতম দাস, ৰাজাকুদ্দিন আহমেদ, দিনেশ দাস, ৰাহুল সিং আৰু পল্লৱ কুমাৰ দাস।

প্ৰতিযোগিতাখনত অসমৰ দলটো মূলত আই পি এলৰ অভিজ্ঞতাসম্পন্ন যুৱ ক্ৰিকেটাৰ ৰিয়ান পৰাগৰ ওপৰত নিৰ্ভৰশীল হ’ব।

চলিত আই পি এলত ৰিয়ান পৰাগৰ প্ৰদৰ্শন আশাজনক নাছিল যদিও মুস্তাক আলী টি-২০ প্ৰতিযোগিতাখনৰ জৰিয়তে ৰিয়ান পৰাগে ৰঞ্জি ট্ৰফীৰ পূৰ্বে হেৰুৱা ফৰ্ম পুনৰুদ্ধাৰৰ চেষ্টা কৰিব।